អាមេរិក៖ តាមការអោយដឹងពីទស្សនាដ្ដីរថយន្ដ ប្រចាំក្នុងប្រទេសអាមេរិក បានចុះផ្សាយកាលពេលថ្មីៗនេះថា រថយន្ដម៉ាក Hyundai Azera ហាក់បីដូចជាមានភាពសមប្រកបគ្រាន់បើ ជាពិសេសគឺ រថយន្ដត្រូវបានគេរចនា អោយមានពណ៌ស្រស់ឆើតឆាយគ្រប់ម៉ូតទាំងអស់។ ការទទួលបានអតិថិជនច្រើន គេហាក់បីដូចជា ឃើញថា វាទើបតែកើតនៅមុនបំណាច់ឆ្នាំ ២០១២នេះឯង។
ទោះបីជាយ៉ាងណាក៏ដោយ ក្រុមហ៊ុនរថយន្ដបានបន្ដថា ជាមួយនឹងការកែច្នៃ នូវកម្លាំងម៉ាស៊ីន អោយខំា្លងជាងមុននេះ ក្រុមហ៊ុនបានចំណាយទឹកប្រាក់ ដ៏ច្រើនសន្ទឹកសន្ទាប់។
យ៉ាងនេះក្ដី ក្រុមហ៊ុននៅតែបន្ដពង្រឹងរថយន្ដនេះ អោយកាន់តែមានភាពលេចធ្លោ ដើម្បីធ្វើការប្រកួតប្រជែង ជាមួយនឹងរថយន្ដល្បីៗ ក្នុងពិភពលោក ជាពិសេសគឺក្នុងឆ្នាំ ២០១៣ ខាងមុខនេះតែម្ដង។ តម្លៃរថយន្ដគឺ ៣២,២៥០ដុល្លារ៕
ដោយ៖ វត្ដីប្រភព៖ yahoo