ស្ទើរតែមិនគួរអោយជឿ ៖ ប្រជាពលរដ្ឋរស់នៅក្រុងជាប់មាត់សមុទ្រ Torquay ប្រទេសអង់គ្លេស មិនបានប្រកាសអាសន្នថាមានហានិភ័យអ្វីនោះទេ ខណៈពេលសត្វអាពីងយក្សទំហំប៉ុនបាតដៃ បានបាត់ខ្លួននៅក្នុងក្រុងមួយនេះ នេះបើយោងតាមការដកស្រង់អត្ថបទផ្សាយពីគេហទំព័រសារព័ត៌មានប្លែកបរទេស មេត្រូ ។
ជាការពិត បើយោងតាមសម្តីលោកស្រី Landlady Sonia McGrath ដែលជាពលរដ្ឋរស់នៅក្នុងតំបន់នេះ បានអះអាងអោយដឹងថា លោកស្រីពិតជាមានភាពភ្ញាក់ផ្អើលជាខ្លាំង ខណៈពេលដែលឃើញអាពីងដ៏ធំមួយក្បាល នៅឯសួនច្បារក្រោយផ្ទះ ដំបូងលោកស្រីគិតថាវាគឺជាសត្វកណ្តុរ តែបន្ទាប់ពីមើលអោយជាក់ហើយនោះ ទើបលោកស្រីបានដឹងថា វាគឺជាអ្វីអោយពិតប្រាកដ។ ដោយមានភាពភ្ញាក់ផ្អើល ក៏ដូចជា ស្រឡាំងកាំងហើយនោះ លោកស្រីក៏បានរត់ចូលត្រឡប់ទៅក្នុងផ្ទះវិញ មិនខ្ចីងាកត្រឡប់ក្រោយ រំពេចនោះ អាពីងមានទំហំដ៏ធំមួយក្បាលនេះ ក៏រត់ភៀសខ្លួនចេញបាត់។
ជាសំណាងល្អ បើទោះជាមានការបាត់ខ្លួន ពីសំណាក់អាពីងដ៏ធំមួយក្បាលនេះក៏ដោយ ប្រជាពលរដ្ឋដែលរស់នៅក្នុងក្រុងមួយនេះ ពិតជាមិនចាំបាច់មានការព្រួយបារម្ភអ្វីនោះទេ ក៏ព្រោះតែសត្វមួយប្រភេទនេះ មិនត្រូវបានចាត់ចូលជាពពួកសត្វមានពិសនោះទេ នេះបើតាមការបញ្ជាក់អោយដឹងពីសួនសត្វ Paignton Zoo ៕
* ព័ត៌មានស្ទើរតែមិនគួរអោយជឿផ្សេងៗទៀត មាននៅខាងក្រោម ៖
- ផ្អើលមើលវីដេអូ ចោរអស់លក្ខណ៍ ត្រូវជើងរន្ទះ ខ្ទាតចេញតាមបង្អួច- ស៊ីមួយកណ្តាប់ដៃ ពេញផ្ទៃមុខ ក្រោយជិះស្គីក្តារ ទៅបុកក្មេងតូច ដោយអចេតនា- កំពូលអ្នកចម្បាំងឆ្លាម នារីម្នាក់ ស្ថិតនៅក្នុងឈុត ប៊ីគីនី ហែលទឹក ជាមួយឆ្លាម- សរសើរពេញអ៊ិនធើណេត ព្រោះអំពីមនុស្សធម៌ ជួយសង្គ្រោះក្មេង ៣ នាក់ ពីសេចក្តីស្លាប់ (មានវីដេអូ)
ដោយ ៖ ពិសិដ្ឋប្រភព ៖ មេត្រូ