ស្ទើរតែមិនគួរអោយជឿ ៖ ជាលទ្ធផល គ្រូជនជាតិ អង់គ្លេស ពីររូប បានបំបែកកំណត់ត្រាពិភពលោកហើយ ជាមួយនឹងដំណើរពនេចរ ដ៏វែងឆ្ងាយរបស់គាត់ ជាមួយនឹងសមិទ្ធផលស្នាដៃចុងក្រោយ អូស រ៉ឺម៉ក់កង់បី (តុក តុក) ក្នុងរយៈចម្ងាយជាង ៧០ គ.ម នេះបើយោងតាមការដកស្រង់អត្ថបទផ្សាយពី ទំព័រសារព័ត៌មានបរទេស ស្កាយ ។
គួរបញ្ជាក់ផងដែរថា គ្រូជនជាតិអង់គ្លេសទាំងពីរនាក់នេះ មានឈ្មោះ Richard Sears និងNick Gough បច្ចុប្បន្នបានធ្វើដំណើរមកដល់ប្រទេសប៉េរូ ខណៈពេលដែលគាត់បានធ្វើដំណើរពនេចរ ទូទាំងពិភពលោក បានរយៈចម្ងាយជាង ៣៧,៥០០ គ.ម ក្រោមគំរោងជំនួយការអប់រំថ្នាក់មូលដ្ឋាន នៅទ្វីបអាហ្រិក ទ្វីបអាស៊ី និងអាមេរិកខាងត្បូង (aid of grassr-oots education projects in Africa, Asia and South America) ។
បន្ថែមពីលើនេះ ប្រភពសារព័ត៌មានដដែលបន្ថែមថា ប្រសិនបើពួកគាត់ ពិតជាអាចធ្វើដំណើរវិលត្រលប់ទៅដល់ភាគខាងជើង ប្រទេស ឈីលលី មែននោះ ពួកគាត់នឹងក្លាយជាបេក្ខភាពធ្វើដំណើរទូទាំងពិភពលោក ដោយរ៉ឺម៉ក់កង់បី មុនដំបូងគេបង្អស់ ។
គួររំឭកផងដែរថា ដំណើរទេសចរណ៍ ក៏ដូចជា ពនេចររបស់ពួកគេ បានចាប់ផ្តើមចេញពីទីក្រុងដ៍ ប្រទេសអង់គ្លេស នាថ្ងៃទី ១៣ ខែសីហា ឆ្នាំ ២០១២ ដោយនៅក្នុងនោះ ពួកគាត់បានធ្វើដំណើរឆ្លងកាត់ ៣៧ ប្រទេសហើយ ៕
ប្រែសម្រួល ៖ កុសលប្រភព ៖ ស្កាយ