បាត់ដំបង ៖ អំពើឃាតកម្ម ដែលផ្ដើម ចេញពីការចាប់រំលោភ រួចហើយចាក់សម្លាប់ បំបិទមាត់មួយបាន កើតឡើង ទៅលើកុមារី មិនទាន់គ្រប់អាយុយ៉ាងសាហាវព្រៃផ្សៃ ពីសំណាក់ជនបង្ក រួចហើយយកសព កុមារីរងគ្រោះ ទាំងអាក្រាតកាយទម្លាក់ចូលក្នុងទឹក អូរ ។
អំពើឃាតកម្ម ដែលផ្ដើមចេញពីការ រំលោភ រួចសម្លាប់ចោលទៅលើកុមារីអាយុ ជាង ១០ឆ្នាំ ខាងលើនេះ បានបង្កឱ្យមានការ ភ្ញាក់ផ្អើល និងរន្ធត់គ្រប់គ្នាកាលពីរសៀល ថ្ងៃទី១៥ ខែតុលា ឆ្នាំ២០១៣ វេលាម៉ោង ប្រមាណ ៣ និង៣០នាទី ក្រោយពីប្រជា ពលរដ្ឋបានប្រទះឃើញសពក្មេងស្រីរង គ្រោះទាំងអាក្រាត កាយ អណ្ដែតក្នុងទឹកអូរ ស្ថិតក្នុងភូមិសិរីវ័ន្ដ ឃុំអណ្ដើកហែប ស្រុក រតនមណ្ឌល ខេត្ដបាត់ដំបង។ក្រោយពីប្រទះ ឃើញសពកុមារីរងគ្រោះរួចមក បាន បណ្ដាលឱ្យប្រជាពលរដ្ឋ នៅក្នុងភូមិជាច្រើន នាក់ទៅចោមរោមមើល ហើយកម្លាំងនគរ បាល និងកម្លាំងអាវុធហត្ថមូលដ្ឋានបានចុះ ទៅកន្លែងកើតហេតុ ដើម្បីធ្វើការស្រាវ ជ្រាវ និងស៊ើបអង្កេតអំពើឃាតកម្មដ៏យង់ ឃ្នង លើក្មេងស្រីមិនទាន់គ្រប់អាយុហើយ ឈានទៅដល់ការតាមចាប់ ខ្លួន ជនបង្ក ។
យោងតាមប្រជាពលរដ្ឋ នៅក្នុងភូមិ កើតហេតុ ដែលចោមរោមទៅមើលសព ក្មេងស្រីរងគ្រោះអណ្ដែតក្នុង ទឹកអូរនោះ បាននិយាយថា ក្មេងស្រីរូបនេះឈ្មោះ នឿន ច្រឹប អាយុ ១៥ឆ្នាំ រស់នៅក្នុងភូមិ-ឃុំកើត ហេតុ ត្រូវបានប្រជាពលរដ្ឋប្រទះឃើញទាំង អាក្រាតកាយ ស្លាប់អណ្ដែតក្នុងទឹកអូរដែល ពួកគាត់គិតថា ត្រូវបាន ជនមិនស្គាល់មុខ អាចជាមនុស្សស្គាល់គ្នា ចាក់សម្លាប់ចោល ក្រោយពេលដែលចាប់រំលោភបានសម្រេច។
ប្រភពព័ត៌មានពីសមត្ថកិច្ចមូលដ្ឋាន ដែលចុះទៅធ្វើការស្រាវជ្រាវ និងស៊ើប អង្កេតករណីឃាតកម្ម រំលោភ ហើយសម្លាប់ នេះបានឱ្យដឹងថា តាមការសន្និដ្ឋានជាជំហានដំបូង ជនសង្ស័យចាប់រំលោភក្មេងស្រីរង គ្រោះ នៅចម្ងាយប្រហែល ១គីឡូម៉ែត្រពី មាត់អូរ រួចហើយក៏យកសពក្មេងស្រីទៅ ទម្លាក់ចោល ក្រោយពី វាយ និងចាក់សម្លាប់ ចោលនឹងវត្ថុរឹង ។
ប្រភពព័ត៌មានបានបន្ដទៀតថា នៅលើ សពកុមារីរងគ្រោះ មានស្នាមចាក់ដោយ កាំបិតចុងស្រួច ត្រង់បោះ ដៃផុតខាងឆ្វេង ចំនួន ២កាំបិត ក្រោមដោះខាងស្ដាំចំនួន ១ កាំបិត ត្រង់ដោះខាងឆ្វេងផ្នែកខាងលើចំនួន ១កាំបិត ។
ប្រភពព័ត៌មានពីប្រជាពលរដ្ឋ បានឱ្យ ដឹងថា មុនពេលកើតហេតុកុមារីរងគ្រោះ បានដេញគោចេញពីផ្ទះ ទៅមើលតាមវាល រហូតដល់ចំណុចអូរំចេក ស្ថិតក្នុងភូមិ-ឃុំ កើតហេតុ លុះដល់បាយថ្ងៃត្រង់បងស្រី កុមារី បានយកបាយ និងម្ហូបទៅឱ្យនាង ប៉ុន្ដែ ពេលដើរទៅដល់ចំណុចអូរំចេកនោះ មិន ឃើញរូបនាង ឃើញតែ គោ ដូច្នេះក៏ដើររក លុះមួយសន្ទុះធំ ក៏ប្រទះឃើញសពប្អូនស្រី របស់ខ្លួនអណ្ដែតក្នុងទឹកអូរ ធ្វើឱ្យមានការ ភ្ញាក់ផ្អើលដល់ប្រជាពលរដ្ឋនៅក្នុងភូមិ និង សមត្ថកិច្ចមូលដ្ឋាន ។ យ៉ាងណាក៏ដោយជន បង្កដែលរំលោភ ហើយសម្លាប់កុមារីរង គ្រោះ ស្ថិតក្រោមការតាមប្រម៉ាញ់របស់ សមត្ថកិច្ច ដោយសារតែជនបង្កត្រូវបាន សមត្ថកិច្ច កំណត់អត្ដសញ្ញាណបានខ្លះៗ ហើយ ៕
ផ្តល់សិទ្ធិដោយ៖ ដើមអម្ពិល