បើទោះជាឈានចូលដល់វ័យចំណាស់ទៅហើយក្តី ប៉ុន្តែលោកយាយ Suzy Monty នៅតែរក្សាបាននូវរូបរាង ដងខ្លួន យ៉ាងស្វែល រីឯសាច់ឈាមវិញ ក៏នៅតែស្រស់ស្អាត មិនចាញ់នារីៗវ័យក្មេង ដែលជាយុវវ័យ សម័យនេះឡើយ។
លោកយាយ Suzy Monty ឆ្នាំនេះមានអាយុ ៦២ឆ្នាំ ហើយ ប៉ុន្តែរូបរាងដងខ្លួនរបស់លោកយាយ ធ្វើឲ្យនារីជាច្រើននាក់ច្រណែន និងស្រមៃចង់បានរាងដូចលោកយាយ គ្រប់ៗគ្នា។ បច្ចុប្បន្នលោកយាយគឺជាតារាម៉ូដម្នាក់ដែលមានអាយុច្រើន ដែលទទួលបានជោគជ័យបំផុត នៅប្រទេសអង់គ្លេស។
លោកយាយ Suzy Monty ចាប់ផ្តើមឈានចូលក្នុងវិស័យសិល្បៈ ធ្វើជាតារាបង្ហាញម៉ូដ ក្នុងវ័យ ២០ឆ្នាំហើយកាលពីលោកយាយឈានដល់វ័យ ៤០ឆ្នាំ គាត់ប៊ិះតែនឹងបោះបង់ចោលអាជីពនេះទៅហើយ ដោយសារគាត់បានមានជំងឺ glandular fever។ ប៉ុន្តែដោយសារតែការស្រលាញ់អាជីពនេះខ្លាំង លោកយាយក៏បានសំរេចចិត្ត ចូលក្នុងអាជីពនេះវិញ បន្ទាប់ពីបានសំរាកព្យាបាលជំងឺ អស់រយះពេលដ៏យូរគ្រាន់បើមក។
សព្វថ្ងៃនេះ បើទោះជាមានអាយុ ៦២ ឆ្នាំទៅហើយក៏ដោយ ប៉ុន្តែលោកយាយ Suzy Monty នៅតែមានមុខជារឿយៗ ចូលរួមបណ្តាពិធីថតរូបផ្សេងៗ ថតស្ប៉តពាណិជ្ជកម្ម ក្នុងតួនាទីជាតារាម៉ូដ។ ហើយបច្ចុប្បន្ននេះ ការងាររបស់គាត់ ក៏ហាក់ដូចជាមានការរវល់ច្រើនជាងមុនផងដែរ៕
ដោយ៖ សិលាប្រភព៖ afamily