គួរយល់ដឹង ៖ ជាការពិតណាស់ នៅលើទីផ្សារពិតជាមានមុខទំនិញជាច្រើនបានដាក់តាំងលក់ដើម្បីអោយអតិថិជនជាវទិញយកមកប្រើប្រាស់ក្នុងហេតុផលផ្សេងៗ។ ដោយឡែក លោកអ្នកប្រាកដជាមានបានដឹងច្បាស់ថា មុខម្ហូប ឬ បន្លែផ្លែឈើមួយណាដែលមានផលប្រយោជន៏ល្អចំពោះរាងកាយ និងសុខភាព។
ដូច្នេះ ពេលនេះយើងខ្ញុំ សូមជម្រាបជូនដល់បណ្តាប្រិយមិត្តអ្នកទស្សនាអោយបានថា មានបន្លែ ផ្លែឈើចំនួន ៥ មុខដែលអាចជួយអោយលោកអ្នកមានអាយុវែង និងសុខភាពល្អ ហើយបន្លែផ្លែ ឈើទាំង ៥ មុខនោះរួមមានដូចជា ៖
ប៉េងប៉ោះ ជាការពិតណាស់ បើយោងតាមលោកវេជ្ជបណ្ឌិត Dr Damian Kristof ដែលជាវេជ្ជ បណ្ឌិតជំនាញខាងអាហារបំប៉ន បានអោយដឹងថានៅក្នុង ប៉េងប៉ោះ គឺមានសារធាតុចិញ្ចឹមម៉្យាង ដោយអាចជួយដល់ស្បែករបស់លោកអ្នក ជាពិសេសជួយការពារពីពន្លឺព្រះអាទិត្យ ។ លោកបាន បញ្ជាក់បន្ថែមថា គួរតែញ៉ាំវាយ៉ាងហោចណាស់អោយបាន ២ ទៅ ៣ ដងក្នុងមួយសប្តាហ៏។
ឆៃថាវ បើយោងទៅតាមការសិក្សាស្រាវជ្រាវរបស់សាលាពេទ្យនៃទីក្រុងឡុងដុង បានអោយដឹង ថា ឆៃថាវគឺមានសារធាតុម៉្យាងដែលក្រោយពីលោកអ្នកញ៉ាំវា នោះនឹងអាចការពារជម្ងឺបេះដូង ជា ពិសេស ប្រសិនបើលោកអ្នកញ៉ាំវាបានច្រើនកាលណា វានិងអាចជួយកាត់បន្ថយសំពាធឈាមមិន អោយឡើងខ្ពស់។ ដើម្បីជាការប្រសើរចំពោះសុខភាពរាងកាយ លោកអ្នកគួរណា ញ៉ាំអោយបាន ២ ទៅ ៣ ដងក្នុងមួយសប្តាហ៏។
ត្រីសាឌីន ប្រាកដណាស់នៅពេលដែលលោកអ្នកបានញ៉ាំត្រីសាឌីន នោះវានិងជួយកាត់បន្ថយ ជម្ងឺរាំរ៉ៃនៅក្នុងខ្លួន ដោយបានមកពីសារធាតុ omega-3 រួមផ្សំជាមួយនិង calcium ដែលមាននៅ ក្នុងពពួកត្រីមួយនេះ។ បើយោងទៅតាមលោកវេជ្ជបណ្ឌិត Dr Kristof ក៏បានអោយដឹងថា វាគឺជាការប្រសើរ បើសិនណាលោកអ្នកអាចទទួលវាបានចន្លោះពី ២ ទៅ ៣ដងនៅក្នុងមួយសប្តាហ៏ដោយជំរើសដ៏ល្អ គឺការទទួលទានត្រីស្រស់ៗ។
ខាត់ណា ដោយមានការណែនាំពីវេជ្ជបណ្ឌិតរូបនេះដដែលក៏បានបញ្ជាក់យ៉ាងច្បាស់ថា ខាត់ណា ក៏មានសារៈសំខាន់ចំពោះសុខភាពរាងកាយ ដោយវាមានតួនាទីយ៉ាងសំខាន់នៅក្នុងការកំចាត់ជាតិពុលចេញពីក្នុងថ្លើម។ ដើម្បីល្អចំពោះសុខភាព លោកអ្នកគួរទទួលទានអោយបានរៀងរាល់ថ្ងៃទើបជាការប្រសើរ។
ស៊ុត បើតាមការសិក្សាស្រាវជា្រវបានបញ្ជាក់យ៉ាងច្បាស់ថានៅក្នុងស៊ុតមានវីតាមីន B និងសារធាតុចិញ្ចឹមផ្សេងទៀត ដែលវាជាជម្រើសដ៏ល្អក្នុងការកាត់បន្ថយជាតិខ្លាញ់ នៅក្នុងខ្លួនមិនអោយឡើងខ្ពស់លើសពីនេះទៅទៀត បើយោងតាមលោកវេជ្ជបណ្ឌិតរូបនេះ ក៏បានបញ្ជាក់ថាវីតាមីន Bភាគច្រើនមាននៅក្នុងស៊ុតពណ៌លឿង ដើម្បីជាប្រយោជន៏ចំពោះសុខភាពរាងកាយ លោកអ្នកគួរទទួលទានអោយបានរៀងរាល់ថ្ងៃទើបជាការប្រសើរ៕
ដោយ ៖ មង្គលប្រភព ៖ lifestyle.yahoo