កូរ៉េ ៖ ភាពទាក់ទាញរបស់ កញ្ញា Suzy និង លោក Lee Jong Suk មិនត្រឹមតែមានភាពអស្ចារ្យក្នុងខ្សែភាពយន្តភាគ While You Were Sleeping ប៉ុណ្ណោះទេ តែវាក៏មានភាពអស្ចារ្យសម្រាប់ជីវិតពិតរបស់អ្នកទាំងពីរ និងអ្នកគាំទ្រផងដែរ។
បើទោះបីជាខ្សែភាពយន្តនោះត្រូវបានបញ្ចប់ទៅហើយក្តី ពួកគេទាំងពីរពិតជាបានធ្វើឲ្យទស្សនិកជនមានការសង្ស័យ និងការច្រណែននឹងភាពស្និទ្ធស្នាលរបស់ពួកគេទាំងពីរ។
កញ្ញា Suzy និង លោក Lee Jong Suk បានឈ្នះពានរង្វាន់ដៃគូខ្សែភាពយន្តភាគ ដ៏ល្អបំផុតពីស្ថានីយ៍ទូរទស្សន៍ SBS ដោយពួកគេបានសម្តែងជាតួអង្គ Nam Hong Joo (អ្នកកាសែត) និង Jung Jae Chan (ព្រះរាជអាជ្ញា)។
ថ្លែងក្នុងពិធីប្រគល់ពានរង្វាន់នោះ ពួកគេបានអរគុណគ្នាទៅ វិញទៅមក សម្រាប់ការសម្តែងដ៏ល្អនេះ។
នៅពេលដែលពិធីករសួរ លោក Lee Jong Suk ថា ក្នុងកំឡុងពេលសម្តែង តើលោកមានចិត្តលួចស្រលាញ់ កញ្ញា Suzy បន្តិចឬទេ?
លោក Lee Jong Suk ឆ្លើយថា កញ្ញា Suzy គឺជានារីដ៏ស្រស់ស្អាតជាងគេក្នុងប្រទេសកូរ៉េ។ ហើយគាត់បានធ្លាក់ក្នុងអន្លង់ស្នេហ៍របស់នាងបន្តិចម្តងៗ។
បន្ទាប់មក កញ្ញា Suzy បានឆ្លើយថា ពីព្រោះតែ បង Jong Suk មានរូបរាងស្អាតសង្ហា ទើបខ្ញុំអាចសម្តែងតួអង្គនោះបានល្អ ៕
ប្រភព៖ Koreaboo