ប្លែកៗ ៖ បើយោងតាមប្រភពសារព័ត៌មានដែលបានចេញផ្សាយ កាលពីពេលកន្លងទៅនេះ បានអោយដឹងថា មានសត្វឆ្កែមួយបានលួចលុយពីម្ចាស់របស់វា ហើយសំងំស៊ីទាល់តែអស់ លើសពីនេះទៅទៀតក៏មានការបញ្ជាក់អះអាងថា នេះមិនមែនជាលើកទី 1 នោះទេ។
បើតាមរបាយការណ៍បានបញ្ជាក់ថា ឆ្កែកំហូចមួយក្បាលនោះមានឈ្មោះថា Arnie ។ លើសពីនេះទៅទៀត បើយោងតាមសម្តីដែលជាម្ចាស់របស់សត្វឆ្កែនេះ ដែលមានទីលំនៅនារដ្ឋ Florida សហរដ្ឋអាមេរិក បានបន្ថែមអោយដឹងថា មានយប់មួយនោះ ខណៈពេលដែលពួកគេបានលង់លក់ក្នុងសុបិន្ត សត្វឆ្កែកំហូចមួយក្បាលនេះ បានលួចលុយនៅក្នុងហោប៉ៅខោរបស់ម្ចាស់គេ ដែលមានចំនួនដល់ទៅ $300ហើយបានលួចសំងំស៊ីទាល់តែអស់។
លុះព្រឹកឡើង O’Kelley Corey ដែលជាម្ចាស់របស់សត្វឆ្កែមួយក្បាលនេះ ទើបតែបានដឹងខ្លួនថា បានបាត់លុយ តែអ្វីៗវាបានហួសពេលទៅហើយ ខណៈពេលដែលពួកគេបានរកឃើញបំណែកក្រដាសបា្រក់ $5 នៅក្នុងមាត់ឆ្កែកំហូចមួយក្បាលនេះ។
ឆ្កែកំហូចមួយក្បាលនោះ ដែលចូលចិត្តស៊ីលុយ មានឈ្មោះថា Arnie
គួររំឮកផងដែរថា ក៏មានការបញ្ជាក់អះអាងពីម្ចាស់សត្វឆ្កែកំហូចមួយក្បាលនេះ ដោយបានបន្ថែមថា វាមិនមែនជាលើកទី 1 ក្នុងការកើតមានឡើងនូវរឿងហួសចិត្តនេះទេ ពោលគឺ កាលពីអំឡុង 7 ឆ្នាំមុន Arnie ក៏បានធ្វើបែបនេះផងដែរ ដោយវាបានស៊ីលុយអស់ដល់ទៅ $150 ឯណោះ ៕
ដោយ ៖ រិទ្ធីប្រភព ៖ leakarea