ព័ត៌មានកំសាន្ត ៖ តារាសម្តែង Kim Tae Hee និងតារាចម្រៀង Rain កំពុងតែសប្បាយរីករាយនឹងកូនដំបូងរបស់ពួកគេ។
យោងតាម Ruach Entertainment បានឲ្យដឹងថា៖ «អ្នកនាង Kim Tae Hee កំពុងពរពោះ ១៥ សប្តាហ៍។ ហើយពេលនេះនាងកំពុងតែយកចិត្តទុកដាក់ថែរក្សាខ្លួន។ ពួកយើងជឿជាក់ថា វាជារឿងត្រឹមត្រូវក្នុងការបញ្ចេញដំណឹងនេះទៅកាន់អ្នកគាំទ្រទាំងអស់។»
តារាសម្តែង Kim Tae Hee និងតារាចម្រៀង Rain បានរៀបការនៅថ្ងៃទី ១៩ ខែមករាដើមឆ្នាំនេះ ក្រោយពេលពួកគេស្គាល់គ្នាអស់រយៈពេល ៥ ឆ្នាំមកហើយ។
ចំណែកឯ Rain ទើបតែបញ្ចប់ដំណើរទស្សនកិច្ចជួបជុំអ្នកគាំទ្រ នៅឯទីក្រុងតូក្យូកាលខែមុន ហើយគាត់កំពុងត្រៀមខ្លួនសម្តែងក្នុងរឿងខ្នាតធំ ដែលមានចំណងជើងថា Uhm Bok-dong ៕
ប្រែសម្រួល ៖ High
ប្រភព ៖ Straits Times