នៅលើកោះ Java មានបាតុភូតធម្មជាតិដ៏ចម្លែកមួយបានកើតឡើង ដែលគេហៅថា ភ្នំភ្លើងភក់។ ទីនេះបានទាក់ទាញភ្ញៀវទេសចរណ៍មកទស្សនា ក្នុងរយៈពេលជាច្រើនឆ្នាំមកនេះ។
Bleduk Kuwu គឺជាកន្លែងដែលកើតមានបាតុភូតចម្លែកនេះ និងស្ថិត Wirosari នៃតំបន់ Grobogan, Purwodadi ភាគកណ្ដាលកោះ Java។ នៅទីនេះ ភ្ញៀវទេសចរណ៍នឹងបានឃើញប្រការដ៏អស្ចារ្យ គឺក្នុងរយៈពេលប្រហែល ២ ទៅ ៣នាទី វានឹងបញ្ចេញសម្លេងផ្ទុះយ៉ាងខ្លាំងនិងបាចសាចភក់ឡើងមកលើ ព្រមជាមួយនឹងផ្សែងជុំជិត។
ប្រភពពីអ្នកស្រុកបានអោយដឹងថា មានរឿងព្រេងមួយដែលរៀបរាប់ថា សម្លេងផ្ទុះលាន់ឮចេញពីដងព្រែកមួយដែលភ្ជាប់ពី Bleduk Kuwu និង Laut Selatan (សមុទ្រឥណ្ឌា)។ ព្រែកនោះគឺជាផ្លូវដើររបស់ទេវតា ឈ្មោះ Joko Linglung ហើយតាមរយៈផ្លូវនេះ គេអាចធ្វើដំណើរពី Laut Selatan ទៅកាន់រាជាណាចក្រ Medang Kamulan(បច្ចុប្បន្ន រួមមាន Grobogan)។ ប៉ុន្ដែ នេះគ្រាន់តែជារឿងព្រេងប៉ុណ្ណោះ។
ក្រុមអ្នកវិទ្យាសាស្ដ្របានអោយដឹងថា បាតុភូតនេះកើតឡើងដោយសារឧស្ម័នដែលផុះចេញពីក្រោមដី ជាធម្មតាគឺតែងតែជាឧស្ម័ន មេតាន៕
ដោយ ៖ សូរីយ៉ាប្រភព ៖ VE