អឺរ៉ុប៖ តាមការអោយដឹង ពីទស្សនាវដ្ដីរថយន្ដក្នុងប្រទេស អឺរ៉ុប ពេលថ្មីៗនេះ បានអោយដឹងថា តំបន់អឺរ៉ុប ជាពិសេសចក្រភពអង់គ្លេស បានចាប់ផ្ដើមកែច្នៃ និងផលិតរថយន្ដតូចៗ ដែលផ្ដល់ភាពងាយស្រួល ដល់មនុស្ស នាពេលបច្ចុប្បន្ននេះ។
រថយន្ដ Hiriko Fold ជាប្រភេទរថយន្ដដែលមានខ្លួនតូច ហើយត្រូវបានគេផលិតរាប់ពាន់គ្រឿង ក្នុងតំបន់អឺរ៉ុបនាពេលថ្មីៗនេះ។ បើតាមការអោយដឹង ពីលោក Jose Manuel Brrosoប្រធានប្រតិ្ដការទីផ្សារ រថយន្ដតំបន់អឺរ៉ុប បាននិយាយថា ដោយសារពេលបច្ចុប្បន្ននេះ មានការកកស្ទះចរាចរណ៍ពេក ទើបលោកតំរូវអោយមានការ ផលិតរថយន្ដនេះឡើង។
គួរបញ្ចាក់ផងដែរថា រថយន្ដដ៏តូចនេះ អាចបត់បែនបាន ក្នុងករណីដែលកន្លែងចតរថយន្ដ មានការកកស្ទះ។ រថយន្ដនេះ អាចរត់ក្នុងចំងាយផ្លូវ ៧៥ miles ហើយនឹងគ្រោងដាក់លក់ ក្នុងទីផ្សារក្នុងតម្លៃ ១០,០០០ អឺរូនាឆ្នាំ ២០១៣ ខាងមុខនេះ។ នេះជាវីដេអូក្លីប បង្ហាញពីការបើកបរ របស់រថយន្ដនេះ សូមចុចដើម្បីមើល៕
ដោយ៖ សីហាប្រភព៖ dailymail