ភរិយាទីពីររបស់លោក Donald Trump ឈ្មោះ Marla Maples បានមកកាន់វិមាន Trump នៅក្រុងញូវយ៉ក ប្រហែល ៣០នាទី រួចលើកដៃស្វាគមន៍មកកាន់ក្រុមអ្នកយកព័ត៌មាន មុនពេលចាកចេញទៅបាត់។
Marla Maples កាលពីថ្ងៃទី ១៥វិច្ឆកា បានបង្ហាញខ្លួននៅវិមាន Trump ជាកន្លែងដែលប្រធានាធិបតីទើបតែជាប់ឆ្នោត លោក Donald Trump និងភរិយាទីបី រួមនឹងកូនប្រុសអាយុ ១០ឆ្នាំ កំពុងស្នាក់នៅ។ Marla Maples មកកាន់ទីនេះប្រហែល៣០នាទី រួចក៏ចាកចេញទៅ នេះបើតាមទំព័រ CBS។
Marla Maples គឺជាភរិយាទីពីររបស់លោក Donald Trump។ អ្នកទាំងពីរបានរៀបការកាលពីឆ្នាំ ១៩៩៣ រស់នៅបែកគ្នាចាប់ពីឆ្នាំ ១៩៩៧ និងលែងលះគ្នាកាលពីឆ្នាំ ១៩៩៩។ Marla Maples និងលោក Donald Trump មានកូនស្រីជាមួយគ្នាម្នាក់ មានឈ្មោះថា Tiffany។
មកដល់ពេលនេះ គេមិនទាន់ដឹងថា លោកស្រី Marla Maples មកកាន់វិមាន Trump ក្នុងគោលបំណងអ្វីនៅឡើយ។
ប្រែសម្រួល ៖ តារាប្រភព ៖ CBS/Youtube