កំសាន្ត ៖ ស្នេហារបស់តារាសម្តែងថៃនាង Bella ranee និងលោក Weir Sukollawat ចាប់ផ្តើមបើកបង្ហាញជាសាធារណៈម្តងបន្តិចៗហើយ នៅមួយរយៈពេលចុងក្រោយនេះ ។
បើទោះបីជាមិនធ្លាប់សារភាពថា ពួកគេទាំងពីរគឺជាគូស្នេហ៍ជាមួយគ្នាក៏ដោយចុះ ប៉ុន្តែ តារាសម្តែងថៃទាំងពីរដួងនេះ បានបង្ហោះរូបថតជាលក្ខណៈគូស្នេហ៍នៅលើគណនីអុុិនស្រ្តាក្រាមផ្ទាល់ខ្លួនជាមួយគ្នាជារឿយៗ ។
ហើយកាលពីម្សិលមិញនេះ តារាសម្តែងវ័យ ៣២ ឆ្នាំរូបនេះ បានបង្ហោះវីដេអូខ្លីមួយ ធ្វើឲ្យអ្នកគាំទ្រជឿថា នារីនៅក្នុងវីដេអូនោះគឺជានាង Bella ranee ដែលជាមិត្តស្រីរបស់ខ្លួន ។ មិនត្រឹមតែប៉ុណ្ណោះ Weir Sukollawat ក៏បានភ្ជាប់មកជាមួយនឹងចំណងជើងតាមរយៈវីដេអូនោះថា This 15 December 2017, Agree! ។
ដូច្នេះហើយសូមរង់ចាំតាមដានវីដេអូពេញ ដើម្បីចង់ដឹងថា តារាស្រីក្នុងវីដេអូនោះគឺជាអ្នកណាអោយប្រាកដ ៕
ប្រែសម្រួល ៖ គន្ធា
ប្រភព ៖ sanook