នាវាមុជទឹក diesel -អគ្គីសនី Kilo 636 ដំបូង នឹងត្រូវបានដាក់ចុះទឹក នៅថ្ងៃទី ២៨សីហា ដើម្បីដំណើរការសាកល្បង មុននឹងប្រគល់មកឱ្យវៀតណាម។
កាលពីពេលថ្មីៗនេះ ទំព័រ RIA Novosti បានដកស្រង់ប្រភពព័ត៌មានមួយ ក្នុងចំណោមក្រុមហ៊ុនឧស្សាហកម្មការពារជាតិរុស្ស៊ី បានឱ្យដឹងថា នាវាមុជទឹកខាងលើ ត្រូវបានផលិតឡើងនៅក្នុងរោងចក្រ Admiralty នៅ St Petersburg នឹងត្រូវដាក់ឱ្យដំណើរការក្នុងខែនេះ។ នេះក៏ជានាវាមុជទឹកប្រភព diesel -អគ្គីសនី មានឈ្មោះថា Project 636 Kilo ដំបូងក្នុងចំណោម ៦គ្រឿង ដែលរុស្ស៊ីបានសន្យាផ្គត់ផ្គង់នាវាមុជទឹកមកឱ្យ វៀតណាម។ ប្រភពខាងលើ បានបន្ដថា នាវាមុជទឹក diesel -អគ្គីសនី Kilo 636 ដំបូង នឹងត្រូវបានដាក់ចុះទឹក នៅថ្ងៃទី ២៨សីហា ឆ្នាំ ២០១២ខាងមុខ ដើម្បីដំណើរការសាកល្បង មុននឹងប្រគល់មកឱ្យវៀតណាម ក្នុងឆ្នាំនេះ។
គួររំលឹកថា ប្រទេស វៀតណាម បានបញ្ជាទិញនាវាមុជទឹក Kilo ចំនួន ៦គ្រឿងពីរុស្ស៊ី។ តាមគម្រោង នាវាទាំងនេះនឹងត្រូវបានប្រគល់ឱ្យអតិថិជន (វៀតណាម) មុនដំណាច់ឆ្នាំ ២០១៦៕
ដោយ ៖ សូរីយ៉ាប្រភព ៖ zing