ថ្មីៗនេះក្រុមហ៊ុន Sony Picture Entertainment បានប្រកាសជាសាធារណថា ក្រុមហ៊ុនទទួលបានសិទ្ធិផ្តាច់មុខ ក្នុងការផលិតភាពយន្ត Angry Birds ពីក្រុមហ៊ុន Rovio ហើយ ។នាយកប្រតិបត្តិរបស់ក្រុមហ៊ុន Sony លោក Michael Lynton និយាយថា ក្រុមហ៊ុនបានរៀបចំនឹងចេញជាគំរោងជាបណ្តើរៗ ហើយក៏បាននឹកឃើញឈ្មោះសំរាប់គំរោងមួយនេះបានខ្លះដែរ ។លោកនាយកបន្តថា នេះគ្រាន់តែជាគំរោងចាប់ផ្តើមមួយប៉ុណ្ណោះ ព្រោះទៅថ្ងៃមុខទៀត Sonyនិង Rovio មានគំរោងជាច្រើនទៀតដែលត្រូវធ្វើជាមួយគ្នា ។
នាយកប្រតិបត្តិរបស់ក្រុមហ៊ុន Rovio លោក Mikael Hed ក៏បានបញ្ចេញភាពសប្បាយរីករាយផងដែរដោយនិយាយថា គំរោងរបស់ក្រុមហ៊ុន Sony ធ្វើអោយយើងមានចំណាប់អារម្មណ៍ជាខ្លាំង ទៅលើការធ្វើដ៏ម៉ត់ចត់ និងច្បាស់លាស់របស់ក្រុមហ៊ុន ធ្វើអោយយើងជឿជាក់ថា Sonyពិតជាក្រុមហ៊ុនមួយសាកសម និងធ្វើការផលិតភាពយន្តមួយនេះ ។អ្នកដឹកនាំរឿងដែលត្រូវអញ្ជើញមកចូលរួម សំរាប់ភាពយន្តមួយនេះមានដូចជា លោក John Cohen ជាផលិតកររឿង Despicable Me និង លោក David Maisel ផលិតកររឿង Iron Man ។ក្រុមហ៊ុន Sony Picture ប្រកាសថាភាពយន្តខ្នាតធំ Angry Birds នេះនឹងដាក់បញ្ចាំងនៅ ថ្ងៃទី ១ខែ កក្កដា ឆ្នាំ ២០១៦ ៕
ដោយ ៖ លីលីប្រភព ៖ k14