កាលពីម្សិលមិញ នៅលើប្លក់មួយដែលមានឈ្មោះថា Dikan បានបង្ហោះរូបថតមួយចំនួនបង្ហាញពីបុរសម្នាក់រងរបួស ហូរឈាមត្រង់ក្បាល គួរអាណិត។ រូបថតនេះ ត្រូវបានគេអះអាងថា ជាលទ្ធផលនៃការចូលរួមទស្សនាការសំដែងរបស់ Gan Lulu ។
កាលពីមុននេះ ទំព័រ Ent បានចេញផ្សាយថា នៅថ្ងៃទី ១១មករា Gan Lulu បានបង្ហាញខ្លួននៅក្នុងក្លឹបរាត្រីមួយកន្លែង ហើយភ្ញៀវដែលចូលរួម ភាគច្រើនគឺជាបុរសវ័យក្មេង។
ករណីខាងលើ បានកើតឡើងនៅពេលដែលការសំដែងរបស់ Gan Lulu ជិតនឹងបញ្ចប់ បន្ទាប់ពីនាងបានច្រៀងបួនបទរួចមក។ Gan Lulu មិនត្រឹមតែលើកដៃសំដែងការអរគុណដល់ ទស្សនិកជន នាងថែមទាំងបានចាប់ដៃអ្នកគាំទ្រផងដែរ ប៉ុន្ដែពេលនោះក៏មានបុរសម្នាក់បានចាប់ដៃនាង ហើយទាញនាងធ្លាក់ចុះមកក្រោម មិនតែប៉ុណ្ណោះ បុរសនេះ ក៏មានបំណងនឹងស្ទាបរាងកាយនាងទៀតផង។
ភា្លមនោះ កម្លាំងសន្ដិសុខ និងក្រុមអ្នកដែលនៅជុំវិញក៏ប្រញាប់ធ្វើអន្ដរាគមន៍ ដោយប្រើកម្លាំង
បាយ។ អ្នកគាំទ្រមួយចំនួននៅក្បែរនោះ បានប្រើប្រាស់ដបស្រាវាយទៅលើក្បាលបុរសនោះបណ្ដាលឱ្យមានរបួស ហូរឈាមពេញក្បាល។ ក្រោយមក ក្រុមនគរបាលក៏បាននាំខ្លួនអ្នកដែលជាប់ពាក់ព័ន្ធក្នុងការប្រើអំពើហិង្សានេះ ទៅកាន់ការិយាល័យនគរបាលដើម្បីសាកសួរ។
អ្នកលេងអ៊ីនធើរណិតមួយចំនួនយល់ថា បុរសដែលបានធ្វើសកម្មភាពបៀតបៀនកេរខ្មាសលើស្រីស្អាតនេះ គឺជាអំពើមិនល្អមួយ ប៉ុន្ដែពួកគេថ្លែងថា ក៏មិនគួរវាយទៅលើបុរស ម្នាក់នោះដែរគឺទុកឱ្យនគរបាលចាត់ការទើបត្រឹមត្រូវ។
ដោយ ៖ សីហាប្រភព ៖ k14