អ្នក​គ្រូ​​បង្រៀន​​ម្នាក់​​ល្បី​​ពេញ​អនឡាញ កាន់តែល្បីខ្លាំង ក្រោយមានមុខមាត់ដូចតារាកូរ៉េបេះបិទ

(កូរ៉េ)៖ បណ្តាញសារព័ត៌មានកូរ៉េបានផ្សាយថា អ្នកគ្រូបង្រៀនម្នាក់ទទួលបានប្រជាប្រិយភាព តាមអនឡាញយ៉ាងខ្លាំង បន្ទាប់ពីនាងមានសម្រស់សឹងតែដូច តារាចម្រៀងស្រីដ៏ល្បី ក្នុងក្រុម TWICE គឺ Sana ។ Lee Ji Young ជាគ្រូបង្រៀនតាមអនឡាញ លើមុខវិជ្ជា «Life and Ethics» ឬ «ជីវិត និង កិរិយាមារយាទ» លើវេបសាយអប់រំ EBSi ដល់សិស្សវិទ្យាល័យ ដែលត្រៀមប្រឡងចូលសិក្សានៅមហាវិទ្យាល័យ។

អ្វីដែលសំខាន់ ក្រៅពីជំនាញបង្រៀនល្អហើយ អ្នកគ្រូ Young ក៏មានសម្រស់ទាក់ទាញពីសិស្ស ដោយសារតែនាងមើលទៅស្រដៀងខ្លាំង ទៅនឹងតារាចម្រៀងស្រី Sana ក្រុម TWICE ។ សិស្សម្នាក់ៗចាត់ទុកអ្នកគ្រូ Young ជា idol របស់ពួកគេ ហើយនាងក៏ក្លាយជាគ្រូបង្រៀន តាមអនឡាញដ៏ល្បីម្នាក់ ក្នុងពិភពលោកដែរ ហើយមហាជនក៏ដូចជាសិស្ស បានប្រៀបធៀបសម្រស់អ្នកគ្រូម្នាក់នេះ ទៅនឹតារាស្រី Sana ជាពិសេសស្នាមញញឹម របស់អ្នកទាំងពីរ ស្រស់ស្អាតដូចគ្នា ក្រៅពីទម្រង់មុខហើយនោះ៕