ដំណឹងល្អ ៖ Facebook ត្រូវបានគេស្គាល់ថាជាបណ្តាញសង្គមយក្ស ដែលបង្កើតដោយស្ថានិកលោក Mark Zuckerberg បានប្រកាសរកបុគ្គលិកចំនួន 3000 នាក់ ដើម្បីធ្វើការសម្រួល ឬលុបចោលនូវការបង្ហោះទាក់ទងនឹងអំពើហឹង្សា ឬភាពមិនសមរម្យជាដើម។ លោក Mark Zuckerberg បានឲ្យដឹងថា មានការកើនឡើងនូវករណីហឹង្សា ឬការកេងប្រវ័ញ្ចលើកុមារជាច្រើន ដែលមានផ្សាយបន្តផ្ទាល់នៅក្នុងហ្វេសប៊ុក។
កាលពីដើមខែនេះ បុរសម្នាក់ពី Cleveland បានបាញ់មនុស្សម្នាក់ ហើយធ្វើការផ្សាយផ្ទាល់ (live) នៅក្នុងហេ្វសប៊ុក ហើយប្រមាណពីរម៉ោងក្រោយមក ហេ្វសប៊ុកបានធ្វើការបិទវីដេអូនោះចោល។ ចំណែកឯនៅក្នុងប្រទេសថៃ បុរសម្នាក់បានផ្សាយផ្ទាល់ ពីការសម្លាប់កូនស្រីរបស់គាត់ និងការធ្វើអត្តឃាត ជាដើម។
លោក Mark Zuckerberg បាននិយាយកាលពីថ្ងៃពុធនេះថា៖ «ពួកយើងត្រូវធ្វើការឲ្យលឿនជាងនេះ»។
ហេតុនេះហើយបានជា ហេ្វសប៊ុកបានរើសបុគ្គលិកបន្ថែមដើម្បីធ្វើការសម្រួល ឬលុបចោលនូវការបង្ហោះខុសពីលក្ខខណ្ឌដែលក្រុមហ៊ុនបានកំណត់។ បន្ថែមពីនេះហេ្វសប៊ុកក៏បានធ្វើការនៅលើវិធីមួយចំនូន សម្រាប់ឲ្យអ្នកប្រើប្រាស់ងាយស្រួលក្នុងការ report នូវបង្ហាញធំៗបានផងដែរ៕
ប្រែសម្រួល៖ High
ប្រភព៖ BBC