Jolin Tsai ច្រៀងបទ “Stand Up” នៅក្នុងរឿង “អ្នកប្រមាញ់បិសាច វគ្គ 2” បិសាចរួមគ្នាអបអរឆ្នាំថ្មី

កំសាន្ត ៖ តារាចម្រៀងល្បីប្រចាំអាស៊ី Jolin Tsai បានច្រៀងបទ “Stand Up” ដែលវីដេអូចម្រៀង ទើបតែចេញពេលថ្មីៗនេះ។ ក្នុងវីដេអូ ពពួកបិសាចរួមមានហ៊ូប៉ា អាល្ងង់ និងបិសាចជាច្រើនទៀត រួមគ្នាចូលក្នុងពិភពមនុស្ស ហើយសម្តែងអមជាមួយ Jolin Tsai ផងដែរ។ ភាពយន្តនេះនឹងចាប់បញ្ចាំងគ្រប់រោងភាពយន្តឌីជីថលនាថ្ងៃទី 16 ខែកុម្ភៈ ឆ្នាំ 2018 នេះ។

ក្នុងវីដេអូ ពពួកបិសាច និងមនុស្សរាំជាមួយគ្នា យ៉ាងសប្បាយរីករាយ។ ដោយសារតែថ្នាក់លើបង្ខំធ្វើការខ្លាំងពេក Jolin Tsai និងពពួកបិសាចក៏ចាប់ផ្តើមធ្វើការងាររីករាយមួយ គឺ “រាំ” ដែលអាចជួយឱ្យពួកគេរំសាយទុក្ខពេលធ្វើការ ហើយប្រែបរិយាកាសឱ្យសប្បាយរីករាយ ហើយចាំទទួលឆ្នាំថ្មីជាមួយអ្នកគ្រប់គ្នា។

ក្នុងវគ្គ 2នេះ ធានអ៊ីនចេញទៅរកឪពុកខ្លួនជាមួយសៀវឡាន ហើយក៏បានជួបហ៊ូប៉ានៅឯភូមិយ៉ុងឈុនម្តងទៀត ហើយត្រូវស្តេចបិសាចតាមសម្លាប់។ ពេលនោះ ទ័ពបិសាច ព្រមទាំងហ៊ូប៉ាបានរួមគ្នាប្រយុទ្ធជាមួយស្តេចបិសាច។ ថ្ងៃចូលឆ្នាំចិននេះ បិសាចនឹងអមដំណើរអ្នកក្នុងភាពយន្ត “អ្នកប្រមាញ់បិសាច វគ្គ 2”។

ទស្សនា Trailer នៅទីនេះ

ដើម្បីទទួលបានពត៌មានលំអិតពីភាពយន្តនេះ និង ពត៌មានផ្សេងៗទៀតទាក់ទងនឹង ភាពយន្តដែលលោកអ្នកចូលចិត្ត អាចចូលទៅកាន់ចៃកុនតាមរយៈ www.cinema.com.kh រឺតាមប្រព័ន្ធបណ្តាញសង្គមដូចជា: www.facebook.com/JaiKon.Cambodia, www.youtube.com/JaiKonCambodia ឬក៏ Instagram ដែលមាន ID: @jaikoncambodia ហើយក៏អាច add ចៃកុនជាមិត្តក្នុងកម្មវិធី LINE ដែលមាន ID: @JAIKON ដើម្បីទទួលបានរង្វាន់ដូចជាសំបុត្រកុន និង របស់ពីភាពយន្តជារៀងរាល់សប្តាហ៍ ៕