(កូរ៉េ)៖ ទោះបីជាខ្សែភាពយន្តដ៏ល្បីរបស់កូរ៉េ Descendants of the Sun បានបញ្ចប់ការចាក់បញ្ចាំងទៅហើយក្តី ប៉ុន្តែវត្តមានតារាសម្តែងប្រុសស្រី ក្នុងសាច់រឿងនេះនៅតែទាក់ទាញដួងចិត្ត អ្នកគាំទ្រហើយព័ត៌មានរបស់ Song Joong Ki និង Song Hye Kyo តែងល្បីពេញបណ្តាញសង្គម។
Song Joong Ki និង Song Hye Kyo ត្រូវបានមហាជនមើលឃើញថា ជាដៃគូដ៏សក្តិសមនៅក្នុង ការសម្តែងរឿង Descendants of the Sun ដែលទទួលបានការគាំទ្រយ៉ាងខ្លាំង មិនត្រឹមតែប៉ុណ្ណោះពួកគេ ក៏ត្រូវបានគេគិតថាមើលទៅដូចជាគូ ស្នេហ៍ពិតអីចឹងបន្ទាប់ពីបង្ហាញខ្លួនក្នុងកម្មវិធី 2016 KBS Drama Awards កាលពីថ្ងៃទី៣១ ខែធ្នូ កន្លងទៅ។
តារាទាំងពីរដួងក៏បានទទួលពានរង្វាន់ ដ៏អស្ចារ្យមួយត្រឡប់មកផ្ទះវិញដែរគឺ Daesang Award នៅក្នុងការសម្តែងនៅឯកម្មវិធី 2016 KBS Drama Awards ៕
ផ្តល់សិទ្ធិដោយ ៖ ខ្មែរថកឃីង