ស្ទើរតែមិនគួរអោយជឿ ៖ បុរសម្នាក់ ត្រូវបានឪពុកម្តាយរបស់ខ្លួន ចាប់បង្ខាំងទុកនៅក្នុង បន្ទប់ថ្មតូចមួយ ប្រៀបបានទៅនឹងគុកឥតជញ្ជាំងដូច្នេះដែរ ដល់ទៅ ៣០ ឆ្នាំ បន្ទាប់ពីគាត់ បង្ហាញចេញនូវរោគសញ្ញា មានវិបត្តិផ្លូវចិត្ត កាលពីជីវិតនៅជាយុវវ័យ នេះបើយោងតាម ការដកស្រង់អត្ថបទផ្សាយ ពីគេហទំព័រសារព័ត៌មានប្លែកបរទេស ដឹមីរ័រ ។
គួររំឭកផងដែរថា កូនប្រុសដែលត្រូវចាប់បង្ខាំងទុករូបនេះ មកទល់នឹងបច្ចុប្បន្នមានវ័យ ៤៦ ឆ្នាំហើយ មានឈ្មោះថា Dong Hai លើសពីនេះ ប្រភពសារព័ត៌មានដដែលបន្ថែមថា ដោយមានការព្រួយបារម្ភថា គេអាចនឹងធ្វើទុក្ខទោម្នេញអ្នកដទែ ឪពុកម្តាយរបស់គាត់ ក៏ បានសម្រេចចិត្ត ចាប់បង្ហាំងទុកក្នុងបន្ទប់ថ្មតួច មានទំហំ ៥ ម៉ែត្របួនជ្រុងនេះតែម្តង។
គួរបញ្ជាក់ផងដែរថា បុរសជាឪពុក មានឈ្មោះ Dong Watou ខណៈស្រ្តីជាម្តាយមានឈ្មោះ Xiao Hong ជាពលរដ្ឋរស់នៅក្នុងខេត្ត Fujian ប្រទេសចិន បានសង់បន្ទប់ថ្មតូចនេះ កាល ពីឆ្នាំ ១៩៨៣ មកម្ល៉េះ ។ ជាការពិត ក្នុងវ័យ ១៦ ឆ្នាំ Dong Hai បង្ហាញនូវរោគសញ្ញាមាន ជម្ងឺរោគចិត្ត ។ ដោយឡែក បន្ទាប់ពីចំណាយប្រាក់មួយចំនួន យកកូនទៅព្យាបាលអស់ រយៈពេលជាងមួយឆ្នាំហើយនោះ ដោយមិនទទួលបានលទ្ធផលនោះ ឪពុកម្តាយរូបនេះ ក៏បានបង្ខំចិត្តធ្វើបែបនេះតែម្តង។
ខណៈឈានចូលដល់វ័យចាស់ជរា ជាង ៧០ ឆ្នាំ ឪពុកម្តាយទាំងពីរនាក់ បានស្តែងចេញ នូវការព្រួយបារម្ភ ដោយបញ្ជាក់ថា បើសិនជាអត់ពីពួកគាត់មែននោះ តើកូនរូបនេះ នឹង ទៅជាយ៉ាងណា ៕
លោកតា Dong Watou និងលោកយាយ Xiao Hong ដែលត្រូវជាឪពុកម្តាយ Dong Hai។
* ព័ត៌មានផ្សេងទៀត មាននៅខាងក្រោម ៖
- អាពីងយក្ស មានទំហំប៉ុនបាតដៃ បាត់ខ្លួន ខណៈក្រុងមិនចាំបាច់ប្រកាសអាសន្ន- សរសើរពេញអ៊ិនធើណេត ព្រោះអំពីមនុស្សធម៌ ជួយសង្គ្រោះក្មេង ៣ នាក់ ពីសេចក្តីស្លាប់ (មានវីដេអូ)- ល្បីពេញទំព័រសារព័ត៌មាន ពិភពលោក ខណៈកូនអណ្តើកពូជកម្រ ដ៏តូច ពីរក្បាល ចាប់កំណើត- វីដេអូ ជម្លោះបងធំ បងតូច នៅក្នុងគុក សម្លាប់មនុស្ស ២៩ នាក់
ដោយ ៖ ពិសី ប្រភព ៖ ដឹមីរ័រ