វីដេអូខ្លីមួយដែលត្រូវបានគេបង្ហោះនៅលើ YouTube បានបង្ហាញពីវិធីរក្សាទិន្នន័យ និងរចនាបថរបស់ smartphone និងកុំព្យូទ័រថេប្លេតរបស់ Nokia នាពេលអនាគត។
ក្លីបវីដេអូនេះ និយាយពីសេវាកម្មរបស់ Nokia Air ដែលអនុញ្ញាតអោយអ្នកអាចរក្សាបញ្ជីឈ្មោះ សារ និងកម្មវិធីនៅលើ iCloud ដូចទៅនឹង Apple iCloud។ ចំណុចពិសេសរបស់ Nokia Air គឺអ្នកប្រើប្រាស់មិនចាំបាច់ install មកក្នុងឧបករណ៍ ប៉ុន្ដែគ្រាន់តែដំណើរការផ្ទាល់នៅលើអ៊ីនធើរណែត។
នៅក្នុងវីដេអូនេះដែរ ក៏មានវត្តមានរបស់ឧបករណ៍ប្លែកៗជាច្រើន ដែលជាមានស្លាកយីហោរបស់ Nokia រួមមានទាំងទូរស័ព្ទ ដែលមានរូបរាងកោង អេក្រង់ទន់ អាចទាញវែង ឬបត់អោយមូល។ ក្រៅពីនេះ នៅមានកុំព្យូទ័រថេប្លែត ដែលដូចទៅនឹង Sony Tablet S ផងដែរ៕
ដោយ ៖ សូរីយ៉ាប្រភព ៖ VE