ស្ទើរតែមិនគួរអោយជឿ ៖ ឆ្កែមួយក្បាល បានទទួលមេដាយមាស បន្ទាប់ពីវាបានស្ទុះរត់ទៅនោម ពីលើគ្រាប់បែករៀបនឹងផ្ទុះ ដើម្បីរំលត់វា អំឡុងពេលនៃការបោសសម្អាតផ្ទះ នេះបើយោងតាមការដកស្រង់អត្ថបទផ្សាយ ពីគេហទំព័រសារព័ត៌មានប្លែកបរទេស ដឹមីរ័រ ។
ឆ្កែមួយក្បាលនេះ មានឈ្មោះថា Juliana បានកើតនៅក្នុងប្រទេសដាណឺម៉ាក បានចេញធ្វើសកម្មភាពខាងលើនេះភ្លាមៗ ខណៈពេលដែលគ្រាប់បែកមួយនេះ បានធ្លាក់ចុះពីលើដំបូលផ្ទះម្ចាស់របស់វា កាលពីឆ្នាំ ១៩៤១ ។ លុះមកដល់ឆ្នាំ ១៩៤៤ វាក៏បានទទួលមេដាយមួយផ្សេងទៀត ខណៈពេលដែលព្យាយាមព្រុសអោយជាសញ្ញាដល់ក្រុមអតិថិជន ដែលមិនបានដឹងថា ហាងមួយកន្លែងនោះ ក៏កំពុងតែកើតមានគ្រោះអគ្គីភ័យ ។
គួររំឭកផងដែរថា មកទល់នឹងបច្ចុប្បន្ននេះ មេដាយ ក៏ដូចជារូបគំនូឆ្កែគំរូមួយក្បាលនេះត្រូវបានគេដាក់ដេញថ្លៃ បានតម្លៃដល់ទៅ ១,១០០ផោនឯណោះ លើសពីការរំពឹងទុកដល់ទៅ ១៨ ដងឯណោះ ពោលគឺជាដំបូងសង្ឃឹមថា នឹងដាក់ដេញថ្លៃបានត្រឹមតែ ៦០ ផោន។
ដោយឡែក បើយោងតាមសម្តីលោក Philip Taubenheim ជាអ្នកដេញថ្លៃមួយរូបដែលបានចូលរួមការដេញថ្លៃលើកនេះនៅឯសាលដេញថ្លៃ Wotton Auction Rooms ស្រុក Glouces-tershire ប្រទេសអង់គ្លេស បានគូសបញ្ជាក់អោយដឹងថា វត្ថុដែលបានដាក់ដេញថ្លៃទាំងពីរនេះ ពិតជាបានបង្កប់នូវអត្ថន័យជ្រាលជ្រៅជាខ្លាំង។
លើសពីនេះ ប្រភពសារព័ត៌មានដដែលបន្ថែមថា ឆ្កែគំរូមួយក្បាលនេះ ត្រូវបានស្លាប់បាត់បង់ជីវិត កាលពីឆ្នាំ ១៩៤៦ ក៏ដោយសារតែមានការបំពុលថ្នាំពុល៕
* ព័ត៌មានមួយចំនួនផ្សេងទៀត មាននៅខាងក្រោម ៖
- ស្រឡាំងកាំងហួស ខណៈឃើញពស់ វារចេញពីបំពង់លូ សំដៅចូលផ្ទះ (មានវីដេអូ)- ល្បីពេញទំព័រសារព័ត៌មាន ពិភពលោក វ័យទើប ៥ ឆ្នាំ ក្លាយជាអ្នកបើកយន្តហោះ ក្មេងបំផុត (មានវីដេអូ)- ហេតុតែស្រឡាញ់ការងារពេក ពេលស្លាប់ទៅ អោយគេដង្ហៃសព ដោយប្រើរថ យន្តត្រាក់ទ័រ
ដោយ ៖ ពិសីប្រភព ៖ ដឹមីរ័រ