ស្ដ្រីជាមួយនិងគ្រឿងសំអាង គឺមិនអាចបំបែកចេញពីគ្នាបាននោះទេ បើទោះជាពេលកំពុងមានផ្ទៃពោះក៏ដោយ ប៉ុន្ដែតើការប្រើប្រាស់គ្រឿងសំអាងនឹងមានផលប៉ះពាល់យ៉ាងណាខ្លះចំពោះសុខភាពរបស់កូនក្នុងផ្ទៃ នេះគឺជាបញ្ហាមួយរបស់ស្ដ្រីកំពុងមានផ្ទៃពោះ។
សូមស្វែងយល់ដូចខាងក្រោម ៖
ការលាបថ្នៃក្រចក ៖ ក្នុងកំឡុងត្រីមាសទីមួយ គួរកុំលាបថ្នៃក្រចក ប៉ុន្ដែក្រោយត្រីមាស់ទីមួយ អ្នកដែលមានផ្ទៃពោះ អាចលាបថ្នៃក្រចកបាន តែមិនគួរលាបញឺកញាប់ពេកនោះទេ។ការលាបក្រចកដៃគឺត្រូវតែជ្រើសរើសថ្នៃដែលមិនមានសារធាតុ កូឡូអ៊ីន និងហ្វ័ម៉ាលឌីហ៊ីដ។
ក្នុងពេលលាបថ្នៃក្រចក អ្នកកំពុងមានផ្ទៃពោះ ត្រូវតែបើកបង្អួចអោយអស់ ដើម្បីកុំអោយមានក្លិនមិនល្អ ប៉ះពាល់ដល់កូនក្នុងផ្ទៃ។
ការធ្វើសក់ ៖ នៅក្នុងពេលមានផ្ទៃពោះ ការធ្វើសក់ក៏អាចប៉ះពាល់ដល់សុខភាពរបស់កូនក្នុងផ្ទៃ ដោយសារតែវាមានក្លិនមិនល្អចេញពីថ្នៃលាបសក់។ ប៉ុន្ដែប្រសិនខានមិនបាន អ្នកគួរប្រើពេលអោយបានខ្លីបំផុត។
មុនលើមុខ និងថ្នាំព្យាបាល ៖ ថ្នាំព្យាបាលមុន ត្រូវបានគេចាត់ទុកថា ហាមឃាត់សម្រាប់អ្នកកំពុងមានផ្ទៃពោះ ព្រោះថានៅក្នុងថ្នៃនេះ មានសមាសធាតុអាស៊ីតវីតាមីន A ដែលបង្កគ្រោះថ្នាក់ដល់ទារកក្នុងផ្ទៃ ដូចជាប៉ះពាល់ដល់ខួរក្បាល បេះដូង ត្រចៀក និងអាចបណ្ដាលអោយរលូតផងដែរ៕
ដោយ ៖ សូរីយ៉ាប្រភព ៖ LD