សិង្ហបុរី ៖ យោងតាមគេហទំព័រព័ត៌មានកំសាន្តរបស់ប្រទេសនេះ បានចេញផ្សាយនាពេលកន្លងទៅបានអោយដឹងថា មានចុងភៅម្នាក់ បានមានគំនិតច្នៃប្រឌិតថ្មីក្នុងការបង្កើតនំព្រះខែ AngryBird ។
គួរបញ្ជាក់ផងដែរថា ចុងភៅដែលនឹកឃើញគំនិតច្នៃប្រឌិតក្នុងការរចនាម៉ូដរាងនព្រះខែបែបនេះ គឺមានឈ្មោះថា Mandy Yeo ។ មិនត្រឹមតែប៉ុណ្ណោះ យោងតាមអត្ថបទចេញផ្សាយដោយគេហទំព័រមួយនេះ ក៏ចោទជាសំនួរផងដែរថា តើកូនៗលោកអ្នក កន្លងមកមិនចូលចិត្តនំព្រះខែឬ ? ដោយឡែកនាឆ្នាំនេះ គេប្រាកដជាមានចំណាប់អារម្មណ៍លើនំព្រះខែហើយមើលទៅ ។
លើសពីនេះទៅទៀត ក៏មានការបញ្ជាក់អះអាងផងដែរថា រាល់ប្រជាជនក្នុងស្រុក ក៏ដូចជាភ្ញៀវទេសចរមកកាន់ប្រទេសនេះ អាចធ្វើការជាវទិញវាបានរហូតដល់ថ្ងៃទី ៣០ ខែកញ្ញា តែបើសិនណាទៅមិនទាន់គេនោះទេ មុខជាអស់មិនខាន ក៏ដោយសារតែចំនួនមានកំណត់ ពោលគឺ វាមានចំនួនត្រឹមតែ ៨,០០០ ប្រអប់តែប៉ុណ្ណោះ ។ ដើម្បីអោយជ្រាបកាន់តែច្បាស់ថាតើ នំព្រះខែ Angry Bird នោះមានភាពទាក់ទាញដល់កំរិតណា ទស្សនារូបមួយចំនួនដែលមាននៅខាងក្រោយនេះបន្តិចទៅ៖
ដោយ ៖ ពិសីប្រភព ៖ soshiok