(អូស្ត្រាលី)៖ បុរសម្នាក់រស់នៅអូស្ត្រាលី ត្រូវបានសមត្ថកិច្ចចាប់ខ្លួន បន្ទាប់ពីរកឃើញ ថា គេយកខ្ទះឆាមកប្រើធ្វើជាចង្កូតរថយន្ត ដែលហេតុការណ៍ស្មានមិនដល់នេះ កើតឡើងនៅលើដងផ្លូវ Norman រដ្ឋ Adelaide បន្ទាប់ពីប៉ូលិសទទួលបាន ការរាយការណ៍ពីរថយន្ត Mazda ពណ៌ក្រហម មើលទៅគួរឲ្យសង្ស័យ បើកបរដោយបុរសម្នាក់ មានលក្ខណៈទ្រេតទ្រោត ខុសប្រក្រតី។
នៅពេលមកដល់ កន្លែងកើតហេតុ ប៉ូលិសបានចុះទៅពិនិត្យមើលរថយន្ត និងជជែកជាមួយអ្នកបើកបរ និងបានរកឃើញថា ចង្កូតរថយន្តបែរជា យកខ្ទះឆាមកដាក់ទៅវិញ ហើយរថយន្តគ្មានត្រួតពិនិត្យ បច្ចេកទេសត្រឹមត្រូវឡើយ សូម្បីតែរូបរាងសុទ្ធ តែកែច្នៃស្ទើរតែទាំងអស់ទៅហើយ។ ម្ចាស់រថយន្ត ក៏ត្រូវឃាត់ខ្លួន រីឯរថយន្តត្រូវរឹបអូស ទុកមួយរយៈរង់ចាំការដោះស្រាយ និងយកទៅកន្លែងពិនិត្យ ត្រឹមត្រូវ៕
ផ្តល់សិទ្ធដោយ ៖ ខ្មែរថកឃីង