ភ្ញៀវទេសចរណ៏ជាច្រើននាក់ បានទៅចូលរួមក្នុងពិធី «ប្រឡូកភក់ប័រយ៉ុង» នៅឆ្នេរសមុទ្រឆ្ងាយពីក្រុងសេអ៊ូល ទៅភាគខាងលិចឆៀងខាងត្បូងប្រហែលជាង 200 គីឡូម៉ែត្រ កាលពីថ្ងៃទី ១៤ កក្កដា ។ នោះជាពិធីប្រពៃណីដ៏សប្បាយរីករាយប្រចាំឆ្នាំដែលទាក់ទាញភ្ញៀវទេសចរណ៍ទាំងក្នុង និងក្រៅប្រទេសមិនតិចជាងពី ២ ទៅ ៣ លាននាក់ទេ ក្នុងមួយឆ្នាំ ។
អ្នកចូលរួមក្នុងពិធី ក្រៅពីបានប្រឡូកនឹងភក់ពណ៌ប្រផេះសាច់ម៉ដ្ឋមានគុណប្រយោជន៍ ទ្រទ្រង់ស្បែក ថែមទាំងបានសប្បាយរីករាយក្នុងពិធីផ្សេងៗទៀត ដូចជាការលេងបោកចម្បាប់ និងរំអិលលើភក់ជាដើម រីឯសម្រាប់អ្នកចូលចិត្តសម្រាកលំហែកាយអាចទទួលការម៉ាស្សាក្នុងភក់បានផងដែរ។
គួរបញ្ជាក់ផងដែរថា វាត្រូវបានគេប្រារព្ធឡើងក្នុងរយៈពេល ២ ឆ្នាំម្តង ហើយវាគឺជាពិធីមួយដ៏ល្បីរបស់ប្រទេសនេះ ស្របពេលដែលវាត្រូវបានគេធ្វើឡើងក្នុងអំឡុងថ្ងៃទី 14 កក្កដា ដល់ថ្ងៃទី 24 កក្កដា ។ ដើម្បីអោយជ្រាបកាន់តែច្បាស់ថាតើ ទិដ្ឋភាពនៃការប្រលែងលេងភក់យ៉ាងណានោះសូមតាមដានទស្សនាបណ្តារូបភាព ជាបន្តបន្ទាប់ដូចខាងក្រោម ៖
ដោយ ៖ ពិសិដ្ឋប្រភព ៖ amusingplanet