ប្រិយមិត្តពិតជាបានដឹង បានលឺខ្លះរួចមកហើយអំពីទិដ្ឋភាពដ៏ស្រស់ស្អាតដែលគ្របដណ្តប់
ទៅដោយផ្កា Lavender ដ៏គួរអោយជក់ចិត្តនៅក្នុងតំបន់ភាគខាងត្បូងមួយចំនួនក្នុងប្រទេស
បារាំង ដូចជា Provence, Avignon...ជាដើម ។ Lavender មានប្រភពមកពីតំបន់ឆ្នេរសមុទ្រ
មេឌីទែរ៉ាណេ ដែលត្រូវបានប្រជាជននៃប្រទេស រ៉ូមបានយកវាមកដាំនៅពាសពេញប្រទេស
អឺរ៉ុប ក្នុងនោះតំបន់នៅភាគខាងត្បូងមួយចំនួននៃប្រទេសបារាំង ក៏ជាតំបន់មួយក្នុងចំនោម
តំបន់ទាំងឡាយដែលសំបូរដោយផ្កា Lavender នេះផងដែរ ។

ប៉ុន្តែប្រិយមិត្តអាចយល់ពីអត្ថន័យនៃផ្កានេះដែររឺទេ? Lavender នៅក្នុងវិទ្យាសាស្រ្តផ្កានេះ
មកពីពាក្យ Lavendula ភាសាឡាតាំងនៃ lavare វាមានន័យថា លាង រឺជូត ។ វាមានទង
វែង ពណ៌ប្រផេះ មានសំបកស្តើង ផ្កាជាក្រញ៉ុំៗ​ នឹងសំបូរដោយរោម មានពណ៌ស្វាយ ។

ផ្កា Lavender នេះក្នុងសម័យអតីតកាលប្រៀបបាននឹងឱសថ​ ស្នេហា( Herb of Love) ដោយ
សារតែក្លិនដ៏ក្រអូបរបស់ វា មិនតែប៉ុណ្ណោះ Lavender ត្រូវបានគេយកទៅប្រើប្រាស់បានជា
ច្រើនប្រភេទនៅក្នុងវិស័យ ឧស្សាហកម្ម តួយ៉ាងគេអាចយកវាទៅផលិតជាទឹកអប់ផងដែរ ។

Lavender អាចមានក្លិនក្រអូបបានយូរទោះវាមានសភាពជាផ្កាក្រៀមក៏ដោយប្រសិនបើ
យើងចេះទុកដាក់វា ជាពិសេសចំពោះប្រទេសដែលមានអាកាសធាតុក្តៅ ផ្កានេះអាចរក្សា
ក្លិនក្រអូបរបស់វាបានរហូតដល់ 5ឆ្នាំនិងអាចបានច្រើនជាងនេះ ។ ផ្កា Lavender ចាប់ផ្តើម
រីកនៅរដូវវិស្សមកាល វាប្រៀបបានទៅនឹងវត្ថុដ៏ស័ក្តសិទ្ធមួយប្រភេទ និងតំណាងអោយ
លាភសំណាង មិនតែប៉ុណ្ណោះបើយើងយកវាមកដាក់នៅក្នុងគេហដ្ឋាន សមាជិកទាំងអស់
ទទួលបានសេចក្តីសុខ ចំរើន មានភាពរីករាយគ្រប់ពេលវេលា ទៀតផង ៕



រដ្ឋា (ពី ione)