(អង់គ្លេស)៖ តារាបរទេសពីរដួង ដែលជាទីចាប់អារម្មណ៍ របស់ទស្សនិកជនគឺ Harry Styles ដែលជាតារាចម្រៀងអង់គ្លេស និងជាអ្នកនិពន្ធទំនុកច្រៀងវ័យ២១ឆ្នាំ ត្រូវបានគេប្រទះឃើញកំពុង មានទំនាក់ទំនងស្ងាត់ៗ ជាមួយនាង Kendall Jenner ជនជាតិអាមេរិកាំង ដែលជាតារាបង្ហាញម៉ូត ដ៏ស្រស់សោភាម្នាក់។
អ្នកទាំងពីរបានចំណាយពេល ទទួលទានអាហារល្ងាចជាមួយគ្នា នៅឯភោជនីយដ្ឋាន Blanchards ស្ថិតនៅលើកោះ Caribbean មើលទៅរ៉ូមែនទិកខ្លាំងណាស់នា ឱកាសឆ្នាំថ្មីនេះ។ នៅពេលត្រូវសាកសួរ ពីរឿងដែលខ្លួនបានណាត់នាង Kendall Jenner ទៅបរិភោគអាហារ ជាមួយគ្នាមែនឬយ៉ាងណា? Harry បែរជាឆ្លើយបែបលេងសើចថា យើងពិតជាចេញទៅក្រៅ ទទួលទានអាហារល្ងាច ប៉ុន្តែនោះមិនពិតទេគ្រាន់តែ ជាការស្មានប៉ុណ្ណោះ។
ទោះជាយ៉ាងណា ចម្លើយរបស់តារាចម្រៀងប្រុសម្នាក់នេះ ត្រូវបានទស្សនិកជនលើកឡើងថា គ្មានតារាណាម្នាក់ហ៊ានទទួលស្គា ល់ការពិតពី អ្វីដែលខ្លួនកំពុងធ្វើទេ ព្រោះតែគេខ្លាចបាត់បង់ ប្រជាប្រិយភាពពីអ្នកគាំទ្រ។ រីឯតារាម៉ូដែលស្រីវិញ ក៏មិនបានឆ្លើយតបបែបណានោះដែរ ចំពោះរឿងពួកគេលបជួបគ្នា៕
ផ្តល់សិទ្ធដោយ ៖ ហ្វ្រេសញូវអាស៊ី