ភាពយន្ត ៖ រោងភាពយន្តទំនើប Major Cineplex by Cellcard បានចាប់ផ្តើមចាក់បញ្ចាំង ភាពយន្ត លំដាប់ អន្តរជាតិ ថ្មី 4DX ក្រោមចំណងជើងថា «Maze Runner: Scorch Trials » (ទីលានដុតកម្លោច) នាយប់ថ្ងៃទី១៥ ខែកញ្ញា ឆ្នាំ២០១៥ ម្សិលមិញនេះ ដែលមាន ទី តាំង ក្នុង ផ្សារ ទំនើប Aeon Mall ជាន់ទី២ ក្រោយ បញ្ចប់ កម្មវិធីសន្និសីទ កាសែតស្តីអំពីខ្សែភាពយន្តនេះ ដែលជាបច្ចេកវិទ្យាថ្មីបំផុត នាំមកនូវរូបភាព ពិត សម្រាប់បម្រើចក្ខុទស្សនិកជន ពេលបានចូល ទស្សនា។
គោលបំណងរបស់កម្មវិធីនេះ គឺចង់ឲ្យអ្នកកាសែត និង Bloggers ទាំងអស់បានចូលរួមទស្សនា និង ទទួលយកនូវ បទពិសោធន៍ ដែលមិនអាចបំភ្លេចបានមួយនេះ ដើម្បីចែករំលែកនូវបទពិសោធន៍ថ្មីៗ និងស្វែងយល់ឲ្យកាន់តែច្បាស់ អំពីភាព អស្ចារ្យរបស់ 4DX ។ 4DX គឺជាការចាក់ បញ្ចាំនៅក្នុង ភាព យន្ត ដែលមានបច្ចេកវិទ្យាខ្ពស់ជាង 3D ហើយ 4DX ត្រូវបានបំពាក់ដោយបច្ចេក វិទ្យាខ្ពស់ និង អាច ធ្វើឲ្យអ្នកមានអារម្មណ៍ហាក់បីដូចជានៅក្នុងសាច់រឿងពិតៗតាំងពីដើមរហូតដល់ចប់។
អ្នកនឹងអាច មាន អារម្មណ៍ពិតៗ ដូចជា បាន ប៉ះ នឹង ខ្យល់បក់ (Wind) ពន្លឺរន្ទះ (Lighting) ពពុះ (Bubbles) និងក្លិន (Scent) ជាច្រើន បែបដែលបានបញ្ចេញមកក្រៅតាមបរិយាកាសរបស់នៃរឿង ។
ការរំញ័រនៃកៅអី (Vibration) ធ្វើឲ្យ អ្នករង្គើ ទៅ មុខ ថយក្រោយ (Pitch) ទៅឆ្វេងទៅស្តាំ (Roll) រង្គើ ចុះឡើង (Heave) មានចលនាឥតឈប់ឈរ ស្ទើរតែគ្រប់ពេលនៃផ្ទៃរឿងទាំងមូល ។ ក្រៅពីនេះ 4DX ក៏មានអ័ព្ទ (Fog) ដែលបាញ់ចេញពីអេក្រង់ ហើយសាយភាយក្នុងបន្ទប់ 4DX លាយឡំ ជាមួយនឹង ការបាញ់ខ្យល់ (Air Shot) និងបាញ់ទឹក (Water Shot) ចេញពីកៅអីតាមឈុតឆាកនីមួយៗផងដែរ ។
រឿង Maze Runner: Scorch Trials (ទីលានដុតកម្លោច) មិនមែនជារឿងតែមួយ ដែលមានលក្ខណៈ ជា 4DX នោះទេ លោកអ្នក ក៏អាច ទស្សនា និង ទទួលយកនូវបទពិសោធន៍ 4DX ជាមួយរឿងជា បន្តបន្ទាប់ទៀត ដូច ជា The Martian, The Walk, Goosebumps, The Peanuts movie & Victor Frankestein ដែល នឹង ចាក់បញ្ចាំងឆាប់ៗនេះ ។ គួរបញ្ជាក់ផងដែរថា រោង ភាពយន្ត Major Cineplex by Cellcard ជារោង ភាពយន្ត តែមួយគត់ ដែលមានចាក់បញ្ចាំង ភាពយន្តជា ប្រភេទ 4DX ក្នុងព្រះរាជាណាចក្រកម្ពុជា ជាមួយនឹងរឿងដំបូងគេគឺ Maze Runner: Scorch Trials (ទីលាន ដុតកម្លោច) ចាប់បញ្ចាំងពីពេលនេះតទៅ នៅគ្រប់ រោងភាពយន្តទំនើបក្នុងព្រះរាជាណាចក្រកម្ពុជា ៕
ប្រភព ៖ Westec Media Limited