ព័ត៌មានអន្តរជាតិ ៖ សមាជិក នាវិក ៣ នាក់ បានស្លាប់បាត់បង់ជីវិត បន្ទាប់ពីនាវាដឹកទំនិញ របស់កម្ពុជា មួយគ្រឿង បានក្រឡាប់លិច លើផ្ទៃសាគរ ក្នុងខេត្ត Aomori ប្រទេសជប៉ុន វេលាព្រឹកព្រលឹមថ្ងៃសុក្រព្រឹក មិញនេះ ។
ទំព័រសារព័ត៌មានរដ្ឋចិន ស៊ិនហួរ បានចុះផ្សាយអោយដឹងថា នាវាដឹកទំនិញរបស់កម្ពុជាមួយ គ្រឿងនោះ មានឈ្មោះថា MING GUANG មានទម្ងន់ដល់ទៅជិត ២០០០ តោន បានក្រឡាប់លិច មានរយៈចម្ងាយ ប្រមាណ ១៨ គ.ម ពីឈូងសមុទ្រ Aomori នាម៉ោងប្រមាណជាង ៦ ព្រឹក ម៉ោងក្នុងស្រុក ប្រទេស ជប៉ុន ក្នុងលក្ខខ័ណ្ឌអាកាសធាតុ មានខ្យល់កន្ទ្រាក់ខ្លាំង ។ សេចក្តីរាយការណ៍ បញ្ជាក់អោយដឹងថា ក្រុមនាវិក ទាំងអស់មានគ្នា ដល់ទៅ ១០ រូប ត្រូវបានជួយសង្គ្រោះ តាមរយៈឧទ្ធម្ភាគចក្រ និង ទូកល្បាត ក្នុង នោះ នាវិក ៣ នាក់ ត្រូវបានអាជ្ញាធរ រាយការណ៍ថា ស្លាប់បាត់បង់ជីវិត នៅពេលដែលបញ្ជូនទៅដល់មន្ទីរពេទ្យ
បញ្ជាក់ ៖ រូបភាពឯកសារ
របាយការណ៍ បញ្ជាក់អោយដឹងថា ជនរងគ្រោះពីរនាក់ជានាវិកជនជាតិចិនខណៈម្នាក់ផ្សេងទៀតជានាវិក ជនជាតិខ្មែរ ។ ខណៈក្រុមនាវិក ៧ នាក់ដែលមានឱកាសរស់រានមានជីវិតនៅឡើយនោះ ពីរ នាក់ជាជន ជាតិបង់ក្លាដេស និង ៥ នាក់ផ្សេងទៀត គឺជាជនជាតិចិន ពួកគេទាំងអស់គ្នា ត្រូវ បាន ក្រុមការងារជួយ សង្គ្រោះបានទាន់ពេល ៕
ប្រែសម្រួល ៖ កុសលប្រភព ៖ ស៊ិនហួរ