ហូលីវូដ ៖ កំពូលតារាស្រី នាង Angelina Jolie បានទម្លាយហេតុផលមួយចំនួន ដែលបណ្តាលឲ្យរូបនាង ចេះប្រើប្រាស់គ្រឿងញៀន ថែមទាំងមានចិត្តចង់សម្លាប់ខ្លួនទៀតជាច្រើនដងទៀតផង ។
ប្រភពផ្លូវការបរទេសមួយបានទម្លាយថា តារាស្រីរូបនេះត្រូវបានឪពុកបោះបង់ចោលតាំងពីក្មេងមកម៉្លេះ ។ ក្រោយមកនៅពេលដែលនាងមានអាយុ ១១ ឆ្នាំ នាងក៏ត្រូវរងការប្រមាថមើលងាយពីមនុស្សនៅជុំវិញខ្លួន ព្រោះតែនាងមានរូបរាងស្គមហួសពេក ទើបធ្វើឲ្យនាងសម្រេចចិត្តឈប់ទៅសាលារៀននៅក្នុងវ័យ ១៤ ឆ្នាំ ។
ព្រោះតែការប្រមាថមើលងាយបែបនេះហើយ ទើបធ្វើឲ្យ Angelina Jolie កើតជម្ងឺធ្លាក់ទឹកចិត្តរហូតឈានដល់ការសម្លាប់ខ្លួនជាច្រើនដង ។ ដោយសារតែមិនសូវមានការលើកទឹកចិត្តពីមនុស្សនៅជុំវិញខ្លួន ទើបធ្វើឲ្យតារាស្រីកើតឆ្នាំ ១៩៧៥ រូបនេះ រឹតតែធ្លាក់ដុនដាប នូវជម្ងឺរបស់ខ្លួន ធ្វើឲ្យពិបាកព្យាបាលមែនទែន ។
តែនៅទីបំផុតតារាស្រីវ័យ ៤២ ឆ្នាំរូបនេះ នៅតែព្យាយាមស្វែងរកច្រកចេញដ៏ល្អ រហូតក្លាយជាតារាហូលីវូដមួយដួង ដែលមានកេរ្តិ៍ឈ្មោះល្បី ព្រមទាំងមានទ្រព្យសម្បត្តិរាប់សែនដុល្លារនៅក្នុងដៃបែបនេះ ។
គិតៗទៅអ្វីគ្រប់យ៉ាងនៅលើលោកនេះ សុទ្ធតែមានដំណោះស្រាយ មិនថាបញ្ហាតូចឬធំឡើយ ដូច្នេះទើប Admin សូមឲ្យអ្នករាល់គ្នា កុំព្យាយាមយកការសម្លាប់ខ្លួនដើម្បីជៀសពីបញ្ហាឲ្យសោះ បើដោះស្រាយបានប៉ុនណា យកប៉ុននឹងទៅ ៕
ប្រែសម្រួល ៖ គន្ធា
ប្រភព ៖ dailymail