តារាប្រកួតប្រជែងផ្នែកចម្រៀង Hip Hop ពីរនាក់គឺលោក Chris Brown នឹងលោក Drake បានធ្វើអោយ Nightclub នៅក្នុងទីក្រុង New York មួយកន្លែងក្លាយទៅជាតំបន់មានសង្រ្គាម។ហើយបានធ្វើអោយអ្នកដែលគ្មានពាក់ព័ន្ធរងរបួសដល់ទៅ ៤នាក់នឹងត្រូវបានបញ្ជូនទៅពេទ្យកាលពីព្រឹកថ្ងៃព្រហស្បត្ត៏នេះ ដោយសារតែពួកគេបានវាយតប់គ្នាដោយសារតែតារាចម្រៀងPop ម្នាក់គឺនាង Rihanna ។
ដោយសារតែរឿងហេតុនេះ ក៏បានធ្វើអោយអ្នកទេសចរណ៏អូស្រ្តាលីម្នាក់ត្រូវដេរស្នាមរបូសដល់ទៅ ១៦ថ្នេរស្របពេលដែលក្បាលរបស់នាងត្រូវរបួសដោយសារដបហោះ។ បើយោងតាមសាក្សីបានអោយដឹងថា ពួកគេបានចាប់ផ្តើមវាយគ្នាដោយសារតែ ដំបូង Chris Brown បានអញ្ជើញ Drake ក្នុងការផឹកស្រា Champage ដោយហុចដបស្រាមួយដបទៅគេ តែបន្តិចក្រោយមក Drake ក៏បានហុចស្រាមួយដបទៅ Chris Brown វិញដោយបានសរសេរថា៖ I'mF**** the love of your life, deal with if ភ្លាមៗនោះពួកគេក៏បានវាយតប់គ្នាតែម្តង។
អ្នករងរបួសក្បាលធ្ងន់ធ្ងរម្នាក់ ត្រូវដេរមុខរបួស ១៦ ថ្នេរ
Chris Brown មានវ័យ ២៣ឆ្នាំ ដែលជាអតីតមិត្តប្រុស Rihanna ហើយពួកគេបានចែកផ្លូវគ្នាកាលពីឆ្នាំ ២០០៩ ហើយក្រោយមកនាងក៏បានមានទំនាក់ទំនងស្នេហាជាមួយនឹងលោកDrake ។ បើតាមរបាយការណ៍បានអោយដឹងថា Rihanna ថ្មីៗនេះនាងក៏កំពុងស្តារទំនាក់ទំនងស្នេហាវិញជាមួយនិង Chris Brown ហើយក៏ជាហេតុធ្វើអោយលោក Drake មានការខឹងសម្បាយ៉ាងខ្លាំង។ ក្រោយពីរឿងឧបទ្ទេវហេតុនេះ ក៏បានអោយដឹងថា អ្នកដែលគ្មានពាក់ព័ន្ធបានរង់របួសដល់ទៅ ៨នាក់ក្នុងនោះនាង Hollie បានរងរបួសធ្ងន់ជាងគេ ដោយនាងត្រូវដេរដល់ទៅ ១៦ថ្នេរហើយក៏មានអ្នករងរបួសផ្សេងទៀតដូចជា៖ Chris Brown ដាច់ចង្កាមួយដុំ នឹងអង្គរក្សបានរងរបូសក្បាល។
Chris Brown រងរបួសដាច់ចង្កាមួយដុំ ក្រោយពីបានវាយជាមួយគូប្រជែងស្នេហា Drake
អង្គរក្ស Chris Brown រងរបួសក្បាលជាទម្ងន់ កំពុងដេកសំរាកនៅមន្ទីរពេទ្យ
បើយោងតាមភ្នាក់ងារស៊ីបអង្កេត របស់ក្រុមមន្រ្តីប៉ូលីសបានអោយដឹងថា រឿងហេតុនេះបានកើតឡើងដោយសារ ដៃគូប្រកួតប្រជែងស្នេហាមួយគូ គឺលោក Chris Brown នឹងលោក Drakeចំអកឡកឡើយអោយគ្នាពីទំនាក់ទំនងស្នេហាជាមួយនឹងនាង Rihanna លុះបន្តិចក្រោយមកការកើតជាជម្លោះ និងបានវាយតប់គ្នា ដែលករណីនេះមិនត្រឹមតែធ្វើអោយពួកគេមានរបួសប៉ុណ្ណោះទេ តែក៏ធ្វើអោយជនស៊ីវិលផ្សេងទៀត រងរបួសធ្ងន់ផងដែរ។
ទិដ្ឋភាពរូមក្នុង Nightclub ក្រោយពីកើតជម្លោះលើសពីនេះទៅទៀត បើយោងតាម ក្រុមមន្រ្តីប៉ូលីសរបស់ក្រុងញ៉ូយ៉ក បាននិយាយថា៖ មានមនុស្សជាច្រើនបានរងរបួសរួមមាន៖ Chris Brown, អង្គរក្សរបស់គេរងរបួសក្បាលជាទម្ងន់ បុរស ២នាក់ ក៏ដូចជា ស្រ្តី ២នាក់ផ្សេងទៀតបានរងរបួសធ្ងន់ ហើយយ៉ាងហោចណាស់មានអ្នករងរបួស ៣នាក់ផ្សេងទៀតបានបញ្ជូនទៅមន្ទីរពេទ្យ៕
ដោយ ៖ រិទ្ធីប្រភព ៖ dailymail