ជារួម iOS 10 មិនបាននាំមកនូវការប្ដូរផ្លាស់ច្រើនណាស់ណានោះទេ បើមើលទៅលើអ៊ីនធឺរហ្វេល។ ប៉ុន្តែ ក្រុមហ៊ុន Apple បានបំពាក់មុខងារសំខាន់ជាច្រើននៅលើ iOS 10 ដូចជា កម្មវិធី Siri ឆ្លាតវៃជាងមុន iMessage អាចដំណើរការជាមួយនឹងបណ្ដាកម្មវិធីរបស់ភាគីទី ៣ ហើយកម្មវិធីរូបថត កម្មវិធី Apple Music សុទ្ធតែត្រូវបានកែលំអ។ល។
ចាប់ពីពេលនេះតទៅ Apple បានអនុញ្ញាតឱ្យទាញយក និងដំឡើង iOS 10 Beta។ ឧបករណ៍ដែលអាចប្រើ iOS 10 Beta បាន មានដូចជា iPhone 6s, 6s Plus, 6, 6 Plus, SE, 5s, 5c, 5, iPad 2។ល។
តាមការវាយតម្លៃ កំណែ iOS 10 Beta 1 នឹងមានទំហំទិន្នន័យប្រហែល 2 GB អាស្រ័យលើឧបករណ៍និមួយៗ។ ល្អបំផុត អ្នកគួរតែមានអង្គចងចាំដែលនៅទំនេរ ប្រហែល 2,5 GB ដើម្បីងាយស្រួលក្នុងការដំឡើង។
បច្ចុប្បន្ន មានវិធីចំនួន ២ ដែលអាចឱ្យអ្នកទាញយក iOS 10 Beta 1។ ទីមួយគឺចុះឈ្មោះថ្មី ឬប្រើប្រាស់គណនី Developer ដែលមានស្រាប់របស់ Apple ដើម្បីអាបដេតឡើងកំណែ iOS ថ្មីបំផុត ហើយធ្វើតាមការណែនាំ។
វិធីទីពីរ មានដូចតទៅ
ជំហានទី១ ៖ ចូលទៅកាន់ទំព័រ ibetacloud.com រួចជ្រើសរើសប៊ូតុង download។
ជំហានទី២៖ ជ្រើសរើសឧបករណ៍សមស្រប។
ជំហានទី៣ ៖ ពិនិត្យមើលថា តើកំណែ iTunes នៅលើកកុំព្យូរទ័ររបស់អ្នក ពិតជាកំណែថ្មីបំផុត ឬនៅ? បើនៅ អ្នកត្រូវទាញយក និងដំឡើង។
ជំហានទី៤ ៖ ថតចម្លងឧបករណ៍ទាំងឡាយរបស់អ្នក ដោយ iTunes។
ជំហានទី៥ ៖ Extracting file ដែលបានទាញយកមុននេះ។
ជំហានទី ៦ ៖ ក្នុង iTunes ចូលជ្រើសរើស iPhone របស់អ្នក ហើយក្រោយមក ចុច Shift ក្នុង Windows ខណៈដែលចុច Check for update។
ជំហានទី ៧ ៖ ជ្រើសរើសហ្វាល beta iOS 10។
ជំហានទី ៨ ៖ កែតម្រូវទិន្នន័យពីកំណែចម្លង ក្រោយពីដំឡើងរួច។
ប្រែសម្រួល ៖ បុត្រា