ទឹកជ្រោះអូរឆ្វេង ជារមណីយដ្ឋានធម្មជាតិមួយ ដ៏ទាក់ទាញ មានទីតាំងស្ថិតនៅ ភូមិពូត្រុំ ឃុំរមនា ស្រុកសែនមនោរម្យ ខេត្តមណ្ឌលគិរី ដែលមានប្រជាពលរដ្ឋរស់នៅ ក្នុងតំបន់នោះចំនួន ១៤១គ្រួសារ ប្រកបមុខរបរចម្បងគឺ ធ្វើចំការ ។
រមណីយដ្ឋានទឹកជ្រោះអូរឆ្វេង មានចម្ងាយផ្លូវ ១២គីឡូម៉ែត្រ ពីទីរួមខេត្ដ ដោយធ្វើដំណើរតាមផ្លូវលំ។ រមណីយដ្ឋានទឹកជ្រោះអូរឆ្វេង គ្រប់គ្រងដោយផ្ទាល់ ពីអាជ្ញាធរ និង ប្រជាពលរដ្ឋ ដែលរស់នៅក្នុងតំបន់នោះ ជាម្ចាស់ស្រុក។
រមណីយដ្ឋានទឹកជ្រោះអូរឆ្វេង ជាតំបន់ទេសចរណ៍ ដ៏ស្រស់បំព្រង សម្បូរណ៍ទៅដោយ ធម្មជាតិដ៏ស្រស់ស្អាត និង ទាក់ទាញ មាន៖ ទឹកជ្រោះធម្មជាតិ ព្រៃភ្នំ សត្វបក្សាបក្សីគ្រប់ប្រភេទ និង ខ្យល់អាកាសល្អបរិសុទ្ធ៕
សូមទស្សនា រូបភាព ខាងក្រោម!!!
ដោយ៖ វណ្ណៈ