Rio de Janeiro ៖ យោងតាមប្រភពសារព័ត៌មានដែលបានចេញផ្សាយកាលពីថ្ងៃទី 20 ខែសីហា កន្លងផុតទៅប៉ុន្មានថ្ងៃមុននេះ បានអោយដឹងថា វិចិត្រករជនជាតិប្រេស៊ីលម្នាក់ បានធ្វើអោយមានភាពភ្ញាក់ផ្អើល ក្នុងចំណោមមហាជន បន្ទាប់ពីគាត់បានបង្ហាញស្នាដៃរបស់ខ្លួនតាមរយៈការគូររូបដោយប្រើផ្សែងកញ្ឆា។
លើសពីនេះទៅទៀត បើតាមរបាយការណ៍បានបង្ហាញអោយដឹងផងដែរថា វិចិត្រករម្នាក់នោះមានឈ្មោះថា លោក Fernando de la Rocque។ គាត់បានធ្វើការបង្ហាញនូវគំនិតច្នៃប្រឌិតថ្មី ក៏ដូចជាទេពកោសល្យសា្នដៃថ្មី នៅក្នុង studio របស់គាត់ នាទីក្រុង Rio de Janeiro ប្រទេសប្រេស៊ីល។
គួរបញ្ជាក់ផងដែរថា ផ្ទាំងគំនូររបស់គាត់ក៏ត្រូវបានដាក់តាំងបង្ហាញនាពេលកន្លងទៅ នៅឯវិចិត្រសាល La Cucharacha នាប្រទេសនេះ កាលពីថ្ងៃច័ន្ទ ទី 20 ខែសីហា ប៉ុន្មានថ្ងៃមុននេះ ហើយបើតាមការបញ្ជាក់អះអាងបានបន្ថែមអោយដឹងផងដែរថា ផ្ទាំងគំនូររបស់គាត់មួយផ្ទាំង បានមានតម្លៃដល់ទៅ US$2,500 ឯណោះ៕
ដោយ ៖ មង្គលប្រភព ៖ straitstimes