៣០នាក់រងរបួស ៤នាក់ត្រូវបានសម្លាប់ នៅប្រទេសចិន

ចិន៖ កម្មករចំណាក់ស្រុករាប់រយនាក់ មកពីខេត្ត Sichuan បានប៉ះទង្គិចគ្នា ជាមួយប៉ូលិសក្នុងខេត្ត Guangdongបណ្តាលឱ្យមានមនុស្សរងរបួស ៣០នាក់ និង៤នាក់ត្រូវបានសម្លាប់។

ហេតុការណ៍ខាងលើនេះ បានកើតឡើង បន្ទាប់ពីកូនប្រុសកម្មករម្នាក់ មកពីខេត្ត Sichuanបានវាយតប់គ្នា ជាមួយនឹង ក្មេងប្រុសម្នាក់ទៀត នៅខេត្ត Guangdong។ ហើយក្រោយមកកូនប្រុសកម្មករនោះ ត្រូវបានសន្តិសុខនៅក្នុងភូមិវាយឱ្យរងរបួសយ៉ាងទំងន់។

ការវាយកូនប្រុសកម្មករ ពីអាជ្ញាធរប៉ូលិសនៅក្នុងតំបន់ បានធ្វើឱ្យកម្មករចំណាក់ស្រុកទាំងអស់ខឹង និងបានប្រមូលផ្តុំគ្នា តវ៉ានៅមុខស្ថានីយប៉ូលិសនៅក្នុងភូមិ ហើយបានវាយកំទេចរថយន្តប៉ូលិស និងគប់ឥដ្ឋទៅលើប៉ូលិស បណ្តាលមានអ្នករងរបួស និងសម្លាប់ដោយសារការប៉ះទង្គិចហឹង្សាខាងលើនេះ៕

ដោយ៖ វណ្ណៈប្រភព៖ chinabuzz