អង្គការណាសា (Nasa) ៖ បេសកម្មក្នុងការបញ្ជូនយានរបស់អង្គការមួយនេះ ដែលមានឈ្មោះថា Rower ក្នុងការចុះចតដោយសុវត្តិភាព ក៏ដូចជាផ្តិតយកនូវរូបភាពនៃ The Red Planet ត្រូវបានបញ្ជប់បន្ទាប់ពីបានចំណាយពេលវេលាដល់ទៅជាង 8 ម៉ោងកន្លះនឹងមានរយៈចំងាយឆ្ងាយពីផែនដី 352 លានម៉ៃល៍ (Miles) ។
គួរបញ្ជាក់ផងដែរថា បន្ទាប់ពីមានការចុះចតដោយសុវត្ថិភាពនៅលើភពមួយនេះ យានដែលត្រូវបានបញ្ជូនទៅដោយអង្គការណាសា ក៏បានផ្តិតយកនូវរកភាព ក្នុងអំឡុងពេលដែលបានទៅដល់នៅក្នុងថ្ងៃដំបូង ពោលគឺវាបានផ្តិតយកនូវទិដ្ឋភាពរួមនៅលើភពមួយនេះ ខណៈពេលដែលបរិយាកាសនៅទីនោះក៏កំពុងតែចុះអ័ព្ទ។
លើសពីនេះទៅទៀត បើយោងតាមសម្តីលោក Mike Watkins ដែលជាអ្នកគ្រប់គ្រងទូទៅក្នុងបេសកម្មលើកនេះ បាននិយាយបញ្ជាក់អោយដឹងថា សព្វថ្ងៃនេះ អង្គការណាសាបានចាប់ផ្តើមរៀបចំនូវយានរបស់ខ្លួនមួយដែលមានឈ្មោះថា The Rover ក្នុងការបំពេញនូវបេសកម្មរបស់ខ្លួន ហើយបេសកម្មមួយចំនួនក៏ត្រូវបានបញ្ចប់ជាបន្តបន្ទាប់ ស្របពេលដែលបេសកម្មផ្សេងៗទៀត ទើបតែបានចាប់ផ្តើមតែប៉ុណ្ណោះ។
គួររំឮកផងដែរថា The rover ត្រូវបានគេផលិតឡើងបានយ៉ាងល្អឥតខ្ចោះ ស្របពេលដែលវាបានបំពាក់នូវប្រព័ន្ធ ក៏ដូចជាបច្ចេកវិទ្យាទំនើបៗ ដែលបានចំណាយប្រាក់ដល់ទៅ $2.5 Billion នឹងត្រូវបានពិនិត្យយ៉ាងល្អិតល្អន់មុនពេលដែលបញ្ជូនទៅបេសកម្មរបស់ខ្លួន ។ ដើម្បីអោយជ្រាបកាន់តែច្បាស់ ថាតើ ដំណើរចុះចតនៃយានរបស់អង្កការណាសា នៅលើភព The Red Planet មានការលំបាក ក៏ដូចជា មានសុវត្ថិភាព នឹងមានទិដ្ឋភាពយ៉ាងណានោះ សូមតាមដានទស្សនានូវវីដេអូពីរខាងក្រោមនេះដូចតទៅ ៖
ដោយ ៖ រិទ្ធីប្រភព ៖ dailymail