ប៉ូឡូញ៖ តាមសេចក្ដីរាយការណ៍ពត៌មានជាតិ ប៉ូឡូញបានអោយដឹងថា ប៉ុន្មានថ្ងៃកន្លងទៅនេះ តំបន់មូយចំនួននៃប្រទេសប៉ូឡូញ ត្រូវបានទទួលរងនូវការវាយយ៉ាងចាស់ដៃ ពីសំណាក់គ្រោះមហន្ដរាយ ដែលបណ្ដាលមកពីខ្យល់ព្យុះ។ 
តាមប្រភពខាងលើបានអោយដឹងដែរថា កន្លែងសំខាន់ៗមួយចំនួនក្នុងប្រទេស ប៉ូឡូញត្រូវបានខ្យល់បោកបក់ខូចខ្ទេចខ្ទីគ្នានសល់។ កន្លែងទាំងនោះរួមមាន តំបន់ព្រៃ Bory Tucholskieសួនឧទ្យានជាតិទេសចរណ៍ និងផ្ទះសំបែងរបស់ប្រជាពលរដ្ឋរាប់សិបពាន់ខ្នងទៀត។
បើតាមអាជ្ងាធរគ្រប់គ្រងគ្រោះមហន្ដរាយនៃប្រទេសប៉ូឡូញ បានបង្ហាញថា ដោយសារតែកម្លាំងខ្យល់គួចខ្លាំងពេក ទើបបណ្ដាលអោយព្រៃឈើចំនួន ៤០០ ហិកតាត្រូវបានបំផ្លាញគ្នានសល់។ ផ្ទះប្រជាពលរដ្ឋចំនួន ១០០ ខ្នងត្រូវបានដួលរលំខ្ទេចខ្ទីអស់ ហើយអ្វីដែលគួរអោយសោកស្ដាយបំផុតនោះ គឺមនុស្សម្នាក់ត្រូវបានបាត់បង់ជីវិត នឹងមនុស្ស ១០ នាក់ផ្សេងទៀតក្នុងខេត្ដ Wycinki ត្រួវរងរបួសយ៉ាងធ្ងន់ផងដែរ។ ដោយឃើញស្ថានការណ៍អាក្រក់បែបនេះ រដ្ឋាភិបាលក្រុង វ៉សក៏មិនបង្អង់យូរដែរ ពោលគឺរដ្ឋាភិបាល បានចាត់កងកម្លាំងសម្ថតិកិច្ចចុះជួយអន្ដរគមន៍ទាន់ពេលផងដែរ៕
ដោយ៖ សារិនប្រភព៖ sky