ម្តាយប្តឹងប៉ូលិស ដោយសារគ្រូបង្រៀន កាត់សក់កូនប្រុស

សង្ហបុរី៖ ស្រ្តីជាម្តាយក្មេងប្រុស អាយុ​ ១២ឆ្នាំម្នាក់ បានដាក់ពាក្យប្តឹងប៉ូលិស បន្ទាប់ពីគ្រូបង្រៀន  កូនប្រុសរបស់គាត់  នៅសាលាបឋមសិក្សមួយ  ក្នុងប្រទេសសង្ហបុរី  បានកាត់សក់កូនប្រុសរបស់គាត់ ១ម៉ោង មុនពេលចូលប្រលង កាលពីថ្ងៃព្រហស្បតិ៍ ម្សិលមិញ។

យោងតាមបណ្តាញសារពត៌មាន    straitstimes   បានឱ្យដឹងថា   ម្តាយក្មេងប្រុសលោកស្រ្តី  Serene  Ong  បានដាក់ពាក្យប្តឹងប៉ូលិស    និងបានស្តីបន្ទោសគ្រូបង្រៀនកូនប្រុសរបស់គាត់យ៉ាងចាស់ដៃ ដោយសារតែ គ្រូបង្រៀនរូបនោះ បានកាត់សក់  និងធ្វើខូចសក់កូនប្រុសគាត់ ជាពិសេស បានយកថ្លៃសេវាកាត់សក់ចំនួន ៦០ដុល្លារ ថែមទៀតផង។

លោកស្រ្តី  Serene Ong  បានអះអាងថា  គ្រូបង្រៀនរូបនោះ មានឈ្មោះ កញ្ញា Belinda Cheng ជាគ្រូបង្រៀននៅសាលាបឋមសិក្សាUnity ដែលបានគំរាមគំហែងកូនប្រុសរបស់គាត់ឱ្យកាត់សក់មុនចូលប្រលង បើមិនដូច្នោះទេ គេនឹងត្រូវដកចេញពីការប្រលង៕

ដោយ៖ វណ្ណៈប្រភព៖ straitstimes