អ្នកមិនចាំបាច់មានខ្សែភ្លើង ឬកុងកាក់អ្វីទាំងអស់ គ្រាន់តែប្រើប៊ិចពិសេស Circuit Scribe គូរ ឬសរសេរនៅលើក្រដាស់ នោះអ្នកនឹងមានប្រព័ន្ធខ្សែភ្លើងមួយ ដែលអាចបំភ្លឺអំពូលភ្លើង។
Circuit Scribe អាចឱ្យអ្នកគូរចេញជាខ្សែភ្លើងដែលស្ងួតបានយ៉ាងលឿន
បន្ទាប់ពីមានប៊ិចគូរខ្សែភ្លើង ដែលជាផលិតផលរបស់សកលវិទ្យាល័យ Illinois ក្រុមអ្នកអភិវឌ្ឍនឹងមិនត្រូវចំណាយពេល និងថវិកាច្រើន ទៅលើការស្រាវជ្រាវ អភិវឌ្ឍន៍នូវផលិតផលរបស់ខ្លួន ទាក់ទិននឹងការគូស បង្កើតខ្សែភ្លើងនៅលើឧបករណ៍អេឡិចត្រូនិច។
ប៊ិចដែលប្រើប្រាស់ទឹកខ្មៅពិសេស មានឈ្មោះថា Circuit Scribe នេះ គឺជាផលិតផលរបស់ក្រុមវិស្វកររបស់ក្រុមហ៊ុន Electroninks Incorporated នៃសកលវិទ្យាល័យ Illinois អាមេរិក។ ប៊ិចនេះនឹងបញ្ចេញទឹកខ្មៅមួយប្រភេទដែលស្ងួតយ៉ាងឆាប់រហ័ស និងអាចនាំចរន្ធអគ្គីសនី ជំនួសឱ្យសរសៃខ្សែភ្លើងធម្មតាដែលយើងតែងបានឃើញ។
ក្រុមវិស្វករមកពី Electroninks Incorporated បានពិសោធទៅលើផលិតផលរបស់ខ្លួន ជាមួយនិងសរសៃខ្សែភ្លើងសាមញ្ញ រួមមានអំពូលភ្លើង LED មួយគ្រាប់ និងថ្មនាឡេកាមួយគ្រាប់ រហូតដល់សរសៃភ្លើងមានរចនាសម្ព័ន្ធស្មុគស្មាញ ដែលមានឧបករណ៍ច្រើន ក៏ដូចជាបណ្ដាឧបករណ៍ដែលមានកូដប្រភេទបើក (open source)ដទៃ។
វាមិនដូចទៅនឹងផលិតផលដែលអាចនាំចរន្ធអគ្គីសនីប្រហាក់ប្រហែលនេះ ក្រុមអ្នកផលិត បានរចនាដើម្បីឱ្យប៊ិច Circuit Scribe នេះ អាចសរសេរចេញជាខ្សែភ្លើងបានធម្មតា ប៉ុន្ដែក៏នៅតែអាចប្រើប្រាស់កម្រិតទឹកខ្មៅបានគ្រប់គ្រាន់ ព្រោះថា បច្ចុប្បន្ន ទឹកខ្មៅប្រភេទនេះ មានតម្លៃថ្លៃ។
យោងតាម Engadget ក្រុមអ្នកអភិវឌ្ឍ Circuit Scribe កំពុងតែរៃអង្គាសទុនពីសាធារណជន នៅលើទំព័រ Kickstarter ។ ដោយគ្រាន់តែចំណាយ ២០ដុល្លារ អ្នកនឹងទិញបានប៊ិចគូរខ្សែភ្លើងមួយដើម និងអំពូលភ្លើង LED មួយគ្រាប់។ ចំណែកតម្លៃ ៣០ដុល្លារ គឺទិញបាន ប៊ិចគូរខ្សែភ្លើងមួយឈុតដែលមានឧបករណ៍ជាច្រើន សម្រាប់បញ្ចេញគំនិតច្នៃប្រឌិតរបស់ខ្លួន។
សូមទស្សនាវិដេអូខាងក្រោម ៖
អត្ថបទសំខាន់ៗគួរចាប់អារម្មណ៍ ៖
មានជនរងគ្រោះម្នាក់ទៀតហើយ បានស្លាប់ដោយសារប្រើ iPhone ពេលកំពុងសាកថ្ម
មានអ្វីកើតឡើងខ្លះ ក្នុងរយះពេល ១នាទី ក្នុងពិភព អ៊ីនធឺណេត
អាមេរិកកំពុងសាកល្បង បង្កើតព្យុះ ដោយប្រើ បច្ចេកវិទ្យាថ្មី ?
ប្រែសម្រួលដោយ ៖ តារាប្រភព ៖ Kickstarter/Youtube