បើយោងទៅតាមសេចក្តីរាយការណ៍ របស់ប្រភពសារព័ត៌មានបរទេស (Leakarea) បានបង្ហាញអោយដឹងថា សត្វចម្លែកដែលអោយឈ្មោះថា Chupacabra (ជញ្ជក់ឈាមជាអាហារ) ត្រូវបានប្រទះឃើញនៅក្នុងប្រទេសអ៊ុយក្រែន នាប៉ុន្មានថ្ងៃមុននេះ។
លើសពីនេះទៅទៀត បើយោងតាមរបាយការណ៍ដដែលបានបន្ថែមអោយដឺងផងដែរថា ៖ វាត្រូវបានប្រទះឃើញ ក៏ដូចជា បានរកឃើញ បន្ទាប់ពីវាត្រូវបានគេតាមប្រមាញ់បាន ។ មិនត្រឹមតែប៉ុណ្ណោះ បើយោងតាមសម្តី របស់ប្រជាជននៅក្នុងតំបន់ដែលគេបានរកឃើញនោះ បាននិយាយបញ្ជាក់ថា សត្វពាហនៈរបស់ពួកគេ បានបាត់ជារឿយៗ ដោយមិនដឹងមូលហេតុច្បាស់លាស់ ដែលក្រោយមកមានការសន្និដ្ឋានថា អាចមកពីសត្វចម្លែកប្រភេទនេះ។
គួរបញ្ជាក់ផងដែរថា ក៏មានការវិភាគទៅលើសណ្ឋានរូបរាងរបស់សត្វចម្លែកមួយក្បាលនេះ ដោយបានអោយដឹងថា វាមាន ក រាងវែងបន្តិច សម្បុរប្រផេះ មានចង្កូម រីឯ ជើងខាងមុខ ខ្លីជាងជើងខាងក្រោយ ដែលមើលទៅស្រដៀងទៅនឹង សត្វកង់គូរូ ដូច្នេះដែរ។
លុះក្រោយមក សាកសពរបស់វាក៏ត្រូវបានបញ្ជូនទៅ សារមន្ទីរសួនសត្វជាតិ (Museum of Zoology of the National University of Zaporozhye) ដោយឆ្លងកាត់ការវិភាគរបស់នាយកនៃសារមន្ទីរមួយនេះ គឺលោក Alexander Korotya បានបញ្ជាក់អោយដឹងថា ៖ លោកមិនទាន់ហ៊ានសន្មត់ ថាតើ វាជាសត្វអ្វីអោយពិតប្រាកដនោះទេ ស្របពេលដែលវាមើលទៅស្រដៀង ទៅនឹងសត្វកញ្ជ្រៀង ក៏ដូចជាសត្វឆ្កែផងដែរ៕
ដោយ ៖ ពិសិដ្ឋប្រភព ៖ Leakarea