អន្តរជាតិ ៖ បើតាមការអោយដឹងពីប្រភពសារព័ត៌មានបរទេស ដែលទើបតែចេញផ្សាយបានអោយដឹងថានាពេលថ្មីៗនេះ ពូជសត្វស្វាមួយប្រភេទផ្សេងទៀត ត្រូវបានរកឃើញនៅក្នុងព្រៃជ្រៅនៃ ទ្វីបអាហ្រ្វិក នេះបើយោងតាមសម្តីបរិស្ថានវិទូ ក្រោយពីធ្វើការស្រាវជ្រាវអស់រយៈពេល ប្រមាណជាង ១ ឆ្នាំ។
លើសពីនេះទៅទៀត បើយោងតាមរបាយការណ៍ដដែលនេះ ក៏បានបញ្ជាក់បន្ថែមអោយដឹងផងដែរថា ពូជសត្វស្វាថ្មីមួយផ្សេងទៀតនេះ ត្រូវបានអ្នកស្រុកនៅក្នុងតំបន់ដែលវារស់នៅនោះ ហៅថា ពូជស្វា Lesula ។
គួររំឮកផងដែរថា ស្វាប្រភេទនេះត្រូវបានគេប្រទះឃើញរស់នៅជាហ្វូងនៅក្នុងភាគកណ្តាលសាធារណៈរដ្ខកុងហ្គូ ខណៈពេលដែលពួកវាបានរស់នៅក្នុងព្រៃជ្រៃ ក៏ដូចជាចិញ្ចឹមជីវិតដោយការស៊ី ផ្លែឈើ នឹងផ្កាក្រពុំផងដែរ។ លើសពីនេះទៅទៀត បើយោងទៅតាមសម្តីអ្នកស្រាវជ្រាវ គឺលោកJohn Hart បាននិយាយបញ្ជាក់អោយដឹងថា ៖ លោកទទូចសូមអោយមានការអភិរក្ស ក៏ដូចជាធ្វើជាដែនជំរកការពារពូជសត្វសា្វប្រភេទថ្មីមួយនេះ ជៀសជាងការតាមប្រមាញ់ពីសំណាក់ព្រានព្រៃដែលនឺងអាចឈានទៅដល់ការផុតពូជដូចទៅនឹងពូជសត្វដទៃៗទៀត៕
ដោយ ៖ រិទ្ធីប្រភព ៖ Sky