(អង់គ្លេស)៖ Brooklyn និង Chloe ដៃគូស្នេហាវ័យក្មេង ដែលត្រូវបានមហាជន ចាប់អារម្មណ៍ពីទំនាក់ទំនង របស់ពួកគេយ៉ាងខ្លាំងនោះ ពេលនេះត្រូវបានសារព័ត៌មាន New York Post ផ្សាយថា ស្នេហារបស់អ្នកទាំងពីរ កំពុងតែអាចឈានដល់ផ្លូវបែកបាក់។
Brooklyn Beckham កូនប្រុសអតីតកីឡាករដ៏ល្បី គឺលោក David Beckham និងតារាសម្តែងវ័យ១៩ឆ្នាំ Chloe Grace Moretz ទើបតែបានប្រកាស ពីទំនាក់ទំនងស្នេហាដ៏ផ្អែមល្ហែម របស់ខ្លួន កាលពីកំឡុងខែឧសភាកន្លងទៅនេះ ដោយសារខាង ស្រីមិនចង់ឲ្យវា នៅជាអាថ៌កំបាំងទៀតឡើយ ប៉ុន្តែពេលនេះបែរជាលេចឮ ដំណឹងថាពួកគេសម្រេចបញ្ចប់វាទៅវិញ ក្រោយពី Brooklyn បានចាកចេញពី Los Angeles ជាមួយក្រុមគ្រួសារ មករស់នៅទីក្រុងឡុងដ៏ ប្រទេសអង់គ្លេស។
គ្រួសារ Beckhams រួមមាន David Beckham និងអ្នកស្រី Victoria បានមកដល់ក្រុងឡុង ដ៏កាលពីថ្ងៃ ៣០សីហា កន្លងទៅនេះ ដែលវាជាដំណឹង រសើបលើកទីពីរហើយ សម្រាប់គូស្នេហ៍វ័យក្មេងនេះ ឈានដល់ការបែកបាក់ បន្ទាប់ពីពួកគេធ្លាប់ មានរឿងបែបនេះម្តងរួច មកក៏ត្រឡប់ត្រូវរ៉ូវគ្នាវិញ ហើយក៏បានសាងភាពផ្អែមល្ហែម ជាមួយគ្នាសឹងតែគ្មានអ្វី អាចបំបែកបានឡើយ។
Chloe តែងសរសើរ Brooklyn ថា ជាមិត្តប្រុសដ៏ល្អម្នាក់ ដែលតែងយកចិត្តទុកដាក់នាង គ្រប់ពេល ទោះបីនាងឡើងសម្តែង ក៏គេចំណាយពេល ទៅគាំទ្រដែរ ហើយតារាស្រីរូបនេះ ក៏លើកឡើងថា ក្រុមគ្រួសារ Beckhams គឺជាគ្រួសារដ៏អស្ចារ្យ។ អ្វីដែលគួរឲ្យស្តាយ គឺក្រុមគ្រួសារ Beckhams បានសម្រេចចិត្តត្រឡប់មករស់នៅ ទឹកដីអង់គ្លេសវិញ ជាហេតុធ្វើឲ្យស្នេហាបុរសសង្ហាវ័យ១៧ឆ្នាំ Brooklyn និងតារាស្រី Chloe ត្រូវឃ្លាតឆ្ងាយទាំងមិនអស់ចិត្ត ប៉ុន្តែមហាជន នឹងរង់ចាំមើល ថា តើដំណឹងបែកបាក់នេះ របស់អ្នកទាំងពីរពិតមែន ឬយ៉ាងណា?
ផ្តល់សិទ្ធដោយ ៖ ខ្មែរថកឃីង