(ភ្នំពេញ)៖ លោកឧត្តមសេនីយ៌ទោ អ៊ុក ហៃសិឡា ប្រធាននាយកដ្ឋាន ស៊ើបអង្កេត និងអនុវត្តនីតិវិធី បានប្រាប់អង្គភាព Fresh News ថា នៅរសៀលថ្ងៃទី២២ ខែធ្នូ ឆ្នាំ២០១៥នេះ កម្លាំងរបស់លោក ក្រោមការបញ្ជាផ្ទាល់ ពីនាយឧត្តមសេនីយ៍ សុខ ផល អគ្គនាយក នៃអគ្គនាយកដ្ឋាន អន្តោប្រវេសន៍ សហការជាមួយ ស្នងការដ្ឋាននគរបាលរាជធានីភ្នំពេញ ក្រោមការសម្របសម្រួល ពីលោកព្រះរាជអាជ្ញារង មាស ចន្ទ័ពិសិដ្ឋ បានធ្វើការឃាត់ខ្លួន ជនជាតិវៀតណាម ចំនួន១៨នាក់ នៅសិប្បកម្មដែក ភូមិអណ្តូង និងសិប្បកម្មឈើជិតមាត់ទន្លេ នៅជិតសាលាសង្កាត់ព្រែកប្រា ខណ្ឌច្បារអំពៅ។
លោកឧត្តមសេនីយ៌ បានបញ្ជាក់ថា ក្រោយការឃាត់ខ្លួន ជនជាតិវៀតណាមទាំងនេះ ត្រូវបាននាំយកទៅ អគ្គនាយកដ្ឋាន អន្តោប្រវេសន៍ ដើម្បីអនុវត្តតាមនីតិវិធីច្បាប់៕
ផ្តល់សិទ្ធដោយ ៖ ហ្រ្វេសញូវអាស៊ី