ព័ត៌មានអន្តរជាតិ ៖ បើតាមការអោយដឹងពីគេហទំព័រសារព័ត៌មានបរទេស ដែលទើបតែបានចេញផ្សាយនាពេលថ្មីៗនេះ បានបញ្ជាក់អោយដឹងថា ប្រទេសជប៉ុនបានបង្កើតនូវបច្ចេកវិទ្យាថ្មីមួយផ្សេងទៀត គឹអោយឈ្មោះថា ‘toilet you can wear while you sleep’ ពោលគឺលោកអ្នកអាចពាក់វាបាន នៅពេលដែលលោកអ្នកគេងនៅពេលយប់ ហើយប្រសិនណាលោកអ្នកមានអាសន្នទៅបន្ទប់ទឹកនោះ មិនចាំបាច់នោះទេ ‘toilet you can wear while you sleep’ អាចជូយលោកអ្នកបាន។
លើសពីនេះទៅទៀត របាយការណ៍ដដែលក៏បានបញ្ជាក់បន្ថែមអោយដឹងផងដែរថា បច្ចេកវិទ្យាចុងក្រោយមួយនេះ ត្រូវបានផលិតឡើងដោយសហគ្រាសក្នុងប្រទេសជប៉ុន ដែលនៅក្នុងនោះវាគឺជាការរួមផ្សំនូវកន្ទប ក៏ដូចជា អាងទឹកតូចសំរាប់លាងអង្គជាតិ (Bidet) មិនត្រឹមតែប៉ុណ្ណោះវាក៏អាចយកមកដោះលាងចេញអោយស្អាតបានផងដែរ មុននឹងយកទៅប្រើប្រាស់ជាថ្មីម្តងទៀត
គួរបញ្ជាក់ផងដែរថា បច្ចេកវិទ្យាមួយនេះ ក៏ត្រូវបានដាក់តាំងបង្ហាញនៅក្នុងពិពណ៌ជាតិ Interna-tional Home Care នាទីក្រុង Tokyo នាពេលថ្មីៗនេះផងដែរ ស្របពេលដែលវានឹងបង្ហាញខ្លូននៅលើទីផ្សារនាពេលឆាប់ៗខាងមុខនេះ៕
ដោយ ៖ ពិសិដ្ឋប្រភព ៖ wotshappening