បាត់ដំបង ៖ វេជ្ជបណ្ឌិតឯកជនម្នាក់ ខណៈដែលការលែងលះជាមួយប្រពន្ធដើម មិនទាន់ចប់សព្វគ្រប់ ផង នោះ បែរជាហ៊ាន ទៅលួចរៀបការជាមួយប្រពន្ធថ្មី អាយុ១៦ ឆ្នាំ នៅឯខេត្ដបាត់ដំបង ប៉ុន្ដែ ពេលកំពុងរៀប ការ ដោយមានបងប្អូន និងភ្ញៀវកិត្ដិ យសចូលរួមយ៉ាងសប្បាយនោះបែរជាក្លាយមានរឿងរ៉ាវចម្រូងចម្រាស កើតឡើង ភ្លាម ខណៈដែលប្រពន្ធដើមដឹងទាន់ហើយ ទៅរំខានទាំងកណ្ដាលរោងការ ។
ស្ដ្រីប្រពន្ធដើម ឈ្មោះ គិត សិរីផល្លីកា អាយុ ២៧ឆ្នាំ ជាបុគ្គលិកក្រុមហ៊ុនឯកជន មួយរស់នៅភូមិព្រែក តាឡុង សង្កាត់ចាក់ អង្រែក្រោម ខណ្ឌមានជ័យ បានរៀបរាប់ ពីដំណើររឿងឱ្យដឹងថា រូបនាងបានរៀបការ ជាមួយប្ដីឈ្មោះ ប៉ាង ថ្លៃថ្លា អាយុ ៣៣ឆ្នាំ ដែលមានស្រុកកំណើតនៅខេត្ដស្វាយរៀង ហើយបច្ចុប្បន្ន រស់ នៅផ្ទះលេខ ៨៩បេ ផ្លូវ ជាតិលេខ ២ ភូមិព្រែកតាគង់ សង្កាត់ចាក់ អង្រែក្រោម ខណ្ឌមានជ័យ ដោយ ទទួល បានចំណងដៃកូនស្រីម្នាក់ រហូតមកដល់ ពេលនេះមានអាយុ៤ឆ្នាំ ។ ប៉ុន្ដែ ដោយសារតែល្មោម ស្រី បែកគំនិតចង់លែងលះ ប្រពន្ធ ប្ដីរបស់នាងបានដាក់ពាក្យបណ្ដឹង ទៅកាន់សាលាដំបូង រាជធានីភ្នំពេញ សុំ លែងលះជាមួយរូបនាង ។ ជាការសម្រេច ចៅក្រមសាលាដំបូង រាជធានីភ្នំពេញបាន កាត់ឱ្យបុរសជាប្ដីបង់ ថ្លៃអាហារកិច្ចដល់កូន ស្រីដោយគិតចាប់ពីតូច រហូតដល់អាយុ ៦ ឆ្នាំ ត្រូវបង់ ៥០ដុល្លារក្នុងមួយខែ លុះ ដល់ អាយុពី ៦ឆ្នាំ ដល់ ១៨ឆ្នាំ ត្រូវបង់ ១០០ ដុល្លារក្នុងមួយខែ ។ ចំពោះការសម្រេច យ៉ាងដូច្នេះរបស់ តុលាការនាង គិត សិរីផល្លី កា បានបដិសេធ ហើយប្ដឹងជំទាស់ ។
សំណុំរឿងលែងលះគ្នា នៅដៃតុលាការ មិនទាន់បានបញ្ចប់ផង ស្រាប់តែបុរសជាប្ដី លួចទៅរៀបការជា មួយ នារីវ័យក្មេងម្នាក់ អាយុទើបតែ ១៦ឆ្នាំ ស្ថិតនៅភូមិបឹងអំពិល ឃុំស្ដៅ ស្រុករតនមណ្ឌល ខេត្ដបាត់ ដំបង ប៉ុន្ដែ ដោយសារតែដឹងពីផែនការរបស់ប្ដី នាងជាប្រពន្ធដើម បានដាក់ពាក្យបណ្ដឹង ចាប់តាំងពីថ្នាក់ឃុំ រហូតដល់ស្នងការ ។
ពីដំបូងឡើយ មេឃុំស្ដៅ បានឯកភាព ឱ្យបុរសជាប្ដីនេះ រៀបការដោយស្របច្បាប់ ជាមួយនារីវ័យក្មេង ប៉ុន្ដែ ក្រោយពីទទួល បានពាក្យបណ្ដឹង ពីប្រពន្ធដើមមេឃុំបាន ចេញលិខិតបដិសេធ និងមិនទទួលស្គាល់ការ រៀបការរបស់ពួកគេទាំងពីរ ដែលធ្វើឡើង នៅថ្ងៃទី២៦ ខែវិច្ឆិកា ឆ្នាំ២០១៣ នេះ ។
នៅពេលដែលប្រពន្ធដើម ទៅសួរនាំ និងរករឿង ដល់កន្លែងរៀបការស្ដ្រីប្រពន្ធ ដើមរូបនេះ ក៏បានសុំអន្ដរា គមន៍ ពីលោកមេ ឃុំ ជួយបញ្ជូនកម្លាំងនគរបាលមកការពារ សន្ដិសុខ និងដោះស្រាយខ្លាចក្រែងមាន អំពើ ហិង្សាណាមួយកើតឡើង ។ យ៉ាងណា ក៏ដោយ នៅព្រឹកថ្ងៃដដែលនេះស្ដ្រីប្រពន្ធ ដើម និងភាគីខាងប្ដីព្រម ទាំងនារីដែលនឹង ក្លាយជាប្រពន្ធចុង និងសាច់ញាតិទាំងមូល កំពុងជួបពិភាក្សាគ្នា និងដោះស្រាយបញ្ហា ទាំងនេះ ៕
ផ្តល់សិទ្ធិដោយ៖ ដើមអម្ពិល