យោងតាមប្រភពព័ត៌មានពី PhoneArena ក្រៅតែពីមានការផ្លាស់ប្តូរលើការឌីហ្សាញរូបរាង Samsung Galaxy S6 ក៏នឹងមានពីរម៉ូដែលផ្សេងគ្នា ប្រើប្រាស់ CPU Qualcomm Snapdragon 810 64-bit និង Samsung Exynos 7420។

Exynos 7420​​ (កាលពីមុនត្រូវបានដាក់ឈ្មោះថា Exynos 5433) គឺជាប្រភេទ CPU 8 Core 64-bit ដែល ត្រូវបានផលិតឡើងលើដំណើរការ 20nm HKMG។ Exynos 7420 ក៏មានការផ្គត់ផ្គង់ស្គាល់នូវទម្រង់មុខ មាត់ និងក្រសែភ្នែកផងដែរ។

/

បច្ចុប្បន្ននៅមិនទាន់មានព័ត៌មានច្បាស់ការណ៍ ស្តីពីអេក្រង់របស់ Galaxy S6 នៅឡើយទេ។ លទ្ធភាព ច្រើន កំរិតរីសូលុយហ្សិនអេក្រង់របស់ស្មាតហ្វូននេះគឺ 2560x1440 pixel។

រីឯផ្នែកខាងក្រោយ Galaxy S6 នឹងមានកាមេរ៉ាប្រើ Sensor Sony Exmor RS IMX240 16MP ឬ 21MP ជាមួយនឹង feature ទប់រំញ័រ OIS។ ផ្នែកខាងមុខគឺជាកាមេរ៉ាទំហំ 5MP ដែលផ្គត់ផ្គង់ដល់ការថតរូបដោយ ខ្លួនឯងមានគុណភាពខ្ពស់ ដូចទៅនឹងបណ្តាស្មាតហ្វូនត្រកូល Galaxy A ដែលទើបតែបង្ហាញ ខ្លួននា ពេលថ្មីៗនេះដែរ។ Galaxy S6 ក៏នឹងមានមេម៉ូរីក្នុង បីប្រភេទសម្រាប់ជ្រើសរើសគឺ 32GB, 64GB និង 128GB។

/

ស្មាតហ្វូននឹងប្រើប្រាស់ modem LTE ដែលផលិតដោយ Samsung ខ្លួនឯង (Exynos Modem 333) ជំនួសឲ្យ modem របស់ Intel។ ឈ្មោះកូដរបស់ Galaxy S6 នឹងជា Zero ជាមួយនឹងអក្សរ F. លេខ ផលិតផលនឹងជា SM-G920 ឬ SM-G925៕

...អាន៖ iPhone 6, iPhone 6 Plus, iPad Air 2 អាចនឹងមានម៉ូដែល 32 GB ក្នុងថ្ងៃខាងមុខ

...អាន៖ Tim Cook បានបញ្ជាក់ថា ថ្មរបស់ Apple Watch ប្រើបានតែមួយថ្ងៃ

 

ប្រែសម្រួល៖ សិលាប្រភព៖ PhoneArena, vreview