អ្នកវិទ្យាសាស្រ្ដ បានផ្ដិតរូបភាព មានលក្ខណៈដូចគោសមុទ្រ នៅក្នុងលំហអាកាស

អាមេរិក៖ តាមការអោយដឹងពីក្រុមអ្នកវិទ្យាសាស្រ្ដ កាលពីពេលថ្មីៗនេះថា ក្រោយពីការស្រាវជ្រាវ ក្នុងលំហអាកាសកន្លងមក ថ្មីៗនេះ គេបានជួបប្រទះនូវបាតុភូតធម្មជាតិ ចម្លែកមួយទៀត ដែលបាតុភូតនោះ បានស្ដែងនូវរូបរាងដូច សត្វគោសមុទ្រអញ្ចឹង។

បាតុភូតនោះ ត្រូវបានរកឃើញដោយ ក្រុមអ្នកវិទ្យសាស្រ្ដជាតិសហរដ្ឋអាមេរិក​ ដែលមានឈ្មោះថា National Science Foundation (NSF)។ ក្រុមអ្នកវិទ្យាសាស្រ្ដ បានពន្យល់ថាបាតុភូតនោះ ត្រូវបានគេអោយឈ្មោះថា W50 គឺតារាដ៏ធំមួយ ត្រូវបានចាប់ដោយម៉ាស៊ីនទំនើបVLA។ ក្រុមអ្នកវិទ្យាសាស្រ្ដ បានបន្ថែមថា តារាមួយនេះ ត្រូវបានកើតឡើង រាប់លានឆ្នាំមកហើយ ដែលខ្លួនរបស់វា ដូចសត្វសមុទ្រម៉្យាង មានឈ្មោះថាគោសមុទ្រ sea cow អញ្ចឹង។ តារានេះទៀតសោត ត្រូវបានលាតសន្ធឹងនៅផ្ទៃមេឃ ដោយទទួលបានថាមពលពីពន្លឺព្រះច័ន្ទផងដែរ។

សត្វគោសមុទ្រ

គួរបញ្ចាក់ផងដែរថា​ តារាដែលមានរាងដូចគោសមុទ្រនេះ ត្រូវបានក្រុមអ្នកវិទ្យាសាស្រ្ដ ថតបានពីដែនលំហរមួយ ដែលមានទីតាំងនៅប៉ែកខាងត្បួង សហរដ្ឋអាមេរិក។ ទោះបីជាយ៉ាងណាក៏ដោយ ក្រុមអ្នកវិទ្យាសាស្រ្ដ នៅមិនអាចទាន់ពន្យល់ថាតើ តារាមួយនេះ អាចមានគ្រោះថា្នក់ដល់ផែនដី ឬយ៉ាងណានោះទេ៕

ដោយ៖ នារីប្រភព៖ newsday