(កូរ៉េ)៖ ពាក្យចចាមអារ៉ាម រវាងតារាសម្តែងកូរ៉េ Lee Min Ho និងតារាចម្រៀងអាមេរិក Taylor Swift នៅតែមិនទាន់ធ្វើឲ្យអ្នកគាំទ្រ ស្ងប់អារម្មណ៍នៅឡើយទេ បន្ទាប់ពីមានព័ត៌មានផ្សាយថា អ្នកទាំងពីរកំពុងណាត់ជួបគ្នា សាងទំនាក់ទំនងស្នេហា ក្រោយពីនាង Taylor Swift បែកបាក់ជាមួយ Tom Hiddleston។
ដំណឹងនេះ ក៏បានធ្វើឲ្យអ្នកគាំទ្រជាច្រើន នៅកូរ៉េហាក់ផ្ទុះកំហឹង និងបញ្ចេញប្រតិកម្មយ៉ាងខ្លាំង នៅពេលដែលពួកគេឃើញព័ត៌មាន ស្មានមិនដល់នេះ ព្រោះម្នាក់ៗមិនគិតថាលោក Lee ទៅស្រឡាញ់ជាមួយតារាស្រី ខុសជាតិសាសន៍គ្នាឡើយ។
កាលពីឆ្នាំមុន Lee បានសាងទំនាក់ទំនង ជាមួយតារាចម្រៀងស្រី Suzy ហើយក៏បានថតរូប ជាមួយគ្នាបង្ហោះជាសាធារណៈទៀតផង តែខាងក្រុមហ៊ុនផលិតកម្ម MYM ក៏បានអះអាងដែរថា ទំនាក់ទំនងរបស់ពួកគេ នៅដដែលគ្មានអ្វីផ្លាស់ប្តូរទេ។ ចំណែកនាង Taylor Swift និង Lee ពួកគេទាំងពីរ មិនដែលបានជួបគ្នាទេ៕
ផ្តល់សិទ្ធដោយ ៖ ខ្មែរថកឃីង